انصفوا اهل الدين يالربع... واعطونا رايكم

سلام عليكم ياخلق الله .. !!


ما كنت أتمنى أشوف اليوم إلي يكتب فيه احد في منتدى بني عمرو او اي منتدى اخر ويسيء للاسلام ..
لكن الله المستعان ..

=======================================

التدين المغشوش..

أحترم الدين .. لكن ليش أهل الدين كذا .. ؟؟

ملتحي .. ويفعل الفاحشه في إمرأه .. مقطع مخزي .. (هؤلاء الهيئه حقتكم ) ؟؟

الدين يحث على الخير .. لكن جارنا الملتزم .. يضرب زوجته .. !!

عبارات لا تنتهي .. إلى متى ؟

ليه كذا يا حبايبي .. ؟؟

نبي نحل العقده من أكثر مكان

وجهة نظر .. تعبّر عن رأيِ ..


أولاً .. لا يوجد شي إسمه مطوع ولا ملتزم .. ولا .. ولا متدين

حنا كلنا مسلمين .. لماذا هذا التفريق ؟
نختلف فقط في إتباعنا في السنه .. قد ترى ملتحي .. كذاب .. وقد ترى حليق صادق صدوق .. ليس عجيب

كان من الصحابه من يشرب الخمر ويجاهد .. !!

فياليت ما ننسب الأعمال السيئه للدين .. ننسبها لصاحبها ..


هذي أول نقطه .. هل تتفق معي فيها .. ولا كيف ؟




النقطه الثانيه

الناس أجناس .. ومستويات .. أصابع يدك ما هي سوا

فشيء طبيعي .. يكون فيه أمثال سيئه .. في كل طبقه من المجتمعه..
ليش نستغرب لما نشوف ملتحي .. يشرب دخان .. أو يفجّر في نفسه والمسلمين !


ياخوي طيب وش ذنبي أنا الملتحي .. الصالح ..
وش ذنبي أمشي والناس كلها تطالع فيني وتقول .. شوفوا أبو (تنوره) ذا .. تراه منافق يحسب الإلتزام بالثوب القصير .. والوجه المشعر .. !!


أنا ليس لي أي علاقه في أي غلط يبدر عن ملتحي .. انا أتحمّل أغلاطي فقط ..
ولن أُسأل أمام الله إلا عن نفسي ..

فياليت ما ننسب الأعمال السيئه لأهل الدين .. ننسبها لأهلها

هذي ثاني نقطه .. هل تتفق معي فيها .. ولا كيف ؟





ثالث نقطه .. والأخيره .. لكي لا أطيل عليكم



لماذا المجهر على من يسمون بالمطاوعه فقط .. ؟؟
قد شفت واحد يشوف حلييق يغازل .. ويقوول شف ذا وش يسوي .. ؟ .. لا

طيب لو شفت ملتحي يسوي كذا .. وش بتقول .. ؟؟
أحلف إنك بتصوره الجوال .. !!

ليش نحط المجهر على المتحين .. ياخي وخروا عنّا ..
داري بتقولون .. أنتوا تمثّلون الدين .. أنا أقول .. طيب وش ذنبي .. إذا فيه ناس ما تفهم .. ؟؟
ياخوي كل واحد يمثل نفسه .. والعمل الصالح يمثل الدين ..

قالوا لك الملتحي ذا الرسول .. عشان تنسب عمله للدين دايركت ..

فلا تتبعون عورات الملتحين .. وتتبعوا عوراتكم .. !!

هذي النقطه الثالثه .. هل تتفق معي فيها .. ولا كيف ؟



وفي النهايه .. لو كنت أنا ملتحي .. وثوبي تنوره على قولتكم ..
وماني مضبووط .. !


وش أسوي .. ؟؟
أحلق لحيتي .. أطوّل ثوبي عشان ترتاح يعني ؟؟

ياخوي هذي واجبات .. مثل أي عباده أخرى .. متى راح نفهم ..
أنت المفروض تصلي .. والمفرووض تصوم بعد .. صح ؟ ... بعد المفرووض تقصّر ثوبك وتعفي لحيتك !


هذا مظهرنا الإسلامي .. والله عيب علينا .. حنا مسلمين ..




خاطره مرت في صدري مرور السلام .. كتبتها على صفحات العاصمه ..


ارجوا أن نرتقي قليلاً .. ونترك هذه المواضييع ...


تحياتي



منقول