(<>) يا صالح آل سلمان أنت صاحب فكر عالي (<>)

بسم الله والحمد لله الصلاة على رسول الله وبعد :-
السلام عليكم جميعاً يسرني ويشرفني من هذا الموقع أن أشكر الأخ العزيز والمدير الموقر والمحترم / صالح آل سلمان لما بدر منه وما يفعله من أجل الأرتقاء بهذا الصرح العظيم ولا أنكر جهود الأخوان المتواجدين من مستشارين ومشرفين وأعضاء وأقول يا أبو عبدالله أنت وبكل صراحه كبير كبير كبير بعقله وأخلاقك وتصرفاتك وأفعالك وأقوالك فشكراً لك وأنت تعرف ما أقصده وأسمح لي بهذه القصيده وعسى أن أعطيك شيء من حقك ومن قدرك وأسأل الله لك التوفيق والنجاح في كل أعمالك 0

بأسم رب العرش في المبدأ قبل الـطـــــــروق = خير من كل القصائد ولحن طـروقــــــــــــها
بعدها مني سلامٍ عدد لوح الــبـــــــــــروق = وعد ما هلت سحابٍ تلوح بــــروقــــــــــها
يآصلك يا كامل العقل ياراعي الحقـــــــوق = يا فهيم تعطي الناس كل حـقـوقـــــــــــها
وأشهد أنك من رجالٍ لها حـشــمـــه وذوق = ما تغير حبهــا وأفـتـخـر في ذوقـــــــــــها
أنت لك عندي مقامٍ على غيرك يــــفـــــوق = والمقامات الرفيعه يكاد يــفــوقــــــــــــها
وأنت فيك الخير وأيضا على فعله ســبـــوق = وأنت راعي الأوله دوم يا مـســـبــوقـــــها
وأنت صاحب فكر عالي وإنسانٍ خـلــــــوق = ما تهزّك كلمةٍ جابها مـخـلــوقــــــــــــها
وأنت تعرف مكسبك في بضاعة كل ســـــوق = وأنت رجالٍ تعرف البلاد وســوقــــــــــها
وأنت من طبعك تناظر بعينك فوق فـــــــوق = ما تناظر للصغائر ونفسـك فـــوقــــــــــــها
وأنا ياصالح تراني مع العالم صـــــــــــدوق = صادقٍ والناس تعرف مزايا صــــــدوقـــــها
والقصيده عدّها مثل تمرٍ من عــــــــــــذوق = وأنا صاحب مزرعه وأعتني بـعــذوقـــــــها
وأعرف ان الشمس لو ما بدأت وقت الشروق = انّها حكمه من الله تـعـيـق شـــــــروقـــها
صح بين الناس في كل موضوعٍ فــــــــــروق = لكن الله خالق الخلق وأعطى فـــروقـــــــها
وأنا عندي مطلب سهل ماهو رآس عـــــوق = والطلب عند الرجاجيل ما هو عــوقـــــــها
أطلبك لاتسمع الهرج من راعي الفســــــوق = ذاك معروفٍ ونفسه يزيد فــســــــــوقــــها
وأطلبك لا تسمع إلاّ حســينين الـنـطــــوق = الرجال اللي تسابق بحسـن نــطــوقـــــــها
وأنتبه من راعي الشر والواشي الحمــــــوق = اللي في كل المواقف يــريـــد حـمــوقــــــها
وأنـتـبـه من واحدٍ لابـدأ الـصــايــح ذروق = والبشـــر ما عاد يخفى عليها ذروقــــــــها
وأنتبه من صحبة اللي مع أصحابه ســـروق = ســارقٍ ويســاعد الناس من مـســــروقــــها
مذهبه معروف في كل ميدانٍ يــبــــــــــوق = كم رجالٍ نال منها وحاول بــــــوقــــــــها
لكن الله حاط به مثل ما حاط بـصــفــــوق = وأنتهت قصة حياته ومات صــفــوقــــــــها