المهور وما ادراك ما المهور

بسم الله الرحمن الرحيم

اقول وبالله التوفيق................

ان المهر الذي اراه مناسب هو 20 الف

والعشاء عموماً يكون يالنصيفة على العريس وابو العروسة (هذا اضعف الايمان)
لان ابو البنت بامكانه يكون دندون ويزوج بنته في بيته ولاهو عيب ولو كان عيب ما سووها شيوخ بني عمرين

والعروسة يكفيها تاخذ طقمين او ثلاثة
وهذا في صالحها...لانها إذا ملت شنطتها ذهب ماراح تعطي مجال لاحد انه يهديها ذهب بالذات زوجها واللي يحبونها

ومولازم العريس يكسي قبيلت البنت كلهم.....
يكفي ابوها وامها وان كان لها اخت ملازمة لها ما فيه مانع
ولكن لا ينسى انه لازم يهديهم شي له قيمة وقدر......ولا تراها بتظل شرهة في لحيته الى يوم الدين

والاثاث حبة حبة ووالله ياربي ان يفقه ويرزقة من حيث ما يعلم
فن الله سبحانه قد تكفل برزقه بقول الرسول صلى الله عليه وسلم في حديث صحيح:
(ثلاثة حق على الله رزقهم المجاهد في سبيل الله والمستدين ينوي السداد والمتزوج يريد العفاف)

والبنت تقدر تتحكم في كل شي إذا حكمت عقلها
انا ماراح ادخل في شغلات الحريم
لكني اعرف بنت تزوجت وكلفت شغلاتها (الفستان والكوشة والحركات اللي على الطاولات بالاكل والمسكة مع الذهب والفساتين وملابس تكفيها عامين و و و و و و............الخ 20000ريال

ووالله يابنات قد ما تكلفون على ازواجكم قد ما يكون بخيل ويستخسر فيكم الرخيص
وقولت (يستاهل....اللي يبغى الدح مايقول أح) والله ما تنفعكم

هذي وجهة نظر.......لكن اعرفوا ان زواج الوحدة مرة وحدة فتجعلة باب خير بدل ما تفتح على نفسها باب شر
والثاني مستحيل يكون مثل الاول .........بدون ليش