شكراً على تقديم الإجازة يا ملك القلوب

يابو الكرامة والمكارم والكرم=ياراعي المدات والفعل النبيل
ياسيدي يعجز عن الشكر القلم=والشكر لك ياسيدي شي ٍ قليل
خليت للايام والدنيا طعـَـم=من يوم شلت الحكم يا الحر الاصيل
فرحة ورى فرحة وخيرات ونِعـَـم=ماعاد به شي ٍ صعيبْ ومستحيل
اللي حكم مثلك فعز الله حكم=حكمتنا بالطيب والفعل الجميل
ياحاكم ٍ للعدل والرحمة علم=ياحاكم ٍ للمجد والعزة سليل
ياناصر المقهور واللي انظلم=يا اللي عن احكام الشريعة مايميل
من يوصل لبابك فلا جاه الندم=اقولها والله على قولي وكيل
الامر بايدك في المواقف ينحسم=اذا امرت الامر ما جاله بديل
من بحر جودك كل خلق الله تجم=اصبحت للامة كما الظل الظليل
بك السعودية عل راس القمم=ياجعل عمرك يا الملك عمر طويل
يارب يا اللي قد خلقنا من عدم=تحفظ لنا بومتعب الشهم الجليل
ندعي بها في الصبح واوقات العَـتـَـم=وندعي بها في الفطر والشهر الفضيل