الرسمي ضيف مجلس ليالي رمضان ( 1 )

بسم الله الرحمن الرحيم

كل عام وأنتم بألف خير أخواني وأخواتي أعضاء منتديات بني عمرو الأفاضل ، ومن خلال هذا القسم سيكون لنا يومياً شخصية نطرح عليها 30 ســؤالأً تتحدث عن الضيف ورمضان وذكرياته ومواقفه معه ، الهدف من ذلك التعريف بنواحي أخرى من الأعضاء والضيوف لهذه الحلقات التي ستشمل الأعضاء البارزين والمشرفين والمراقبين ، نتمنى أن يكون هذا المجلس أكثر تألقاً بتواجدكم ومشاركاتكم في مواضيعه المختلفة وقبل كل مغرب إن شاء الله نقدم لكم ضيف جديد وبعد كل صلاة عشاء نقدم لكم مسابقة الشهر الفضيل من منتديات بني عمرو وكل يوم وأنتم بخير 0

ضيفنا في اليوم الأول من رمضان العــضــــــو ( الرسمي ) ونترككم مع أرائه ومرئياته وشخصيته في رمضان .

---

1 / في ثلاثة أسطر .. من أنت ..؟؟

فهد العمري

من قريه الشخيين من آل الشيخ

موظف حكومي

رسمي ومسالم ويحب الخير للجميع ..


2 / ماذا يعني لك شهر رمضان ...؟؟


شهر المغفره ...شهر الرحمه ... شهر العتق من النار ..


3 / ما هو جدولك اليومي في هذا الشهر الفضيل ..؟؟

ابقولكم بالتفصيل وهذا ما اخطط عليه في هذا لشهر ...

صلاه الفجر واقرأ قران حوالي ساعه بعد ذلك نومه الين نسرح
للدوام الله يعينى عليه في رمضان
بعد العصر قراة قران الين تجهز السمبوسه
بعد المغرب قضينا على السمبوسه طبعا نشوف التلفزيون وش عندهم
صلاه العشاء والتراويح ..
بعدها اروح للنادي ساعه وربع
ارجع للبيت والى حبايبي منتدى بني عمرو على النت
الين موعد السحور ..

وهكزا ... واحتمال في تغيير حسب الظروف المحليه والخارجيه ....خخخخ



4 / هل هناك اختلاف في جدولك في رمضان وغيره ..؟؟

اكيد مليون مره ...


5 / موقف أو حدث صار لك في رمضان وما تنساه ..؟؟

والله مااذكر شى .. (((صايمين والمخ ناشف )) ما اذكر شى خاص في رمضان


6 / موقف صار لك وانت صغير مع الصوم ..؟؟

والله اتذكر زمان في الديره كانوا يسون السمبوسه في البيت ......طبعا الوالد كان لازم يخلينا نصوم وحنا صغار ... يبي يعودنا الله يجزاه خير بس ذاك اليوم جاني جوع غريب ..وش سوى الرسمي راح المطبخ وقال اعطوني سمبوسه باروح اعطيها ((( يمنه عند الباب ..ناس يبون فطور)))) على نياتهم اعطوني ...والله ويروح الدلخ الرسمي ويفطر وراء البيت (( مسوي جريمه )) اثاري الوالد يراقبني من فتره وانا ماشوفه ((( من الجوع ))) ما عدت اشوف احد .. طبعا انواع الأحراج مع الوالد .. وسلامتكم ..خخخخ



7 / ما هو اجمل وقت لديك في رمضان لقراءة القرآن ..؟؟

بعد صلاه الفجر ...



8 / ما هو اجمل وقت لديك في رمضان لتصفح المنتدى ..؟؟

بعد الساعه 12 ليلا ..



9 / برنامج أو مسلسل تتابعه في رمضان ..؟؟

اكيد طاش .. وغشمشم اذا كان وقته بعد طاش ..



10 / وجبة تحرص على تواجدها في السحور ..؟؟

قرص وسمن


11 / وجبة تحرص على تواجدها في الفطور ..؟؟

ايه ده وهو فيها غيرها (((( السمبوسه )))..


12 / 3 أعضاء تقدم لهم الدعوة للفطور ...؟؟

علي ...معتوق... وجميع الأخوان اللي في الرياض ...


13 / 3 أعضاء تقدم لهم الدعوة للسحور ..؟؟

ياخي الفطور يكفي ...خخخخ الدعوه عامــــه


14 / هل يوجد هناك أمور تمارسها في غير رمضان .. ولا تمارسها في رمضان .. ومثل ماذا ..؟؟

ايه الفطور الصباح خخخخ وفي رمضان لا ..

والله مافي شى معين بس التلفزيون ما اشاهده كثير في رمضان ... (((الله لا يبلنا من البلاوي اللي يجيبونها )



15 / لماذا لا نأكل السمبوسة الا في رمضان ..؟؟

لان لها نكهه خاصه في رمضان ... اتوقع


16 / ولماذا 90 % من انتاج المسلسلات العربية لا يتم الا في رمضان ..؟؟

كلها مسابق ومهايط من القنوات الين صار هذا الكم من المسسلات ..طبعا قالبين رمضان مشاهده تلفزيون وعلى قولتهم سهرات رمضانيه ..



17 / هل سيكون للعمرة نصيب في جدولك في هذا الشهر ..؟؟

ان شاء الله ..



18 / ما رأيك في الدراسة والدوام في رمضان ..؟؟

بأختصار لا يصح .. ( بضم الصاد )) خخخ



19 / وهل انت مع ان الدوام يكون طبيعي في رمضان يعني من الساعات المبكرة ..؟؟

قلنا لا يصح ..((( برضوه بضم الصاد )) برضوه خخخخ



20 / دعاء تحرص على ذكره يوميا قبل الفطور ..؟؟

غير الدعاء المعروف .. الدعاء للوالدين ولشباب وبنات المسلمين والمجاهدين في سبيل الله ..



21 / لماذا اغلب الناس لا يشترون أغراض رمضان الا في آخر يوم من شعبان
ولا يشترون اغراض العيد الا في آخر يوم في رمضان ..؟؟

هذي اسمها عدوىلعاده وهي تتكرر ..وقد طرحت موضوع في قسم المواضيع والحوارات اتمنى منكم تمرون عليه ..




22 / اختر عضو واطرح عليه سؤال :

علي معتوق : لماذا كل هذا التعصب لنادي الهلال ؟




23 / كم عمرك ؟

26



23 / ما الفرق بين رمضان اليوم ورمضان الأمس ؟

والله ماني بكبير لكي احكم .. بس متغير كثير ولا صار هناك تجليل لهذا الشهر ورهبه زي ما كنت وكنا نستقبله ايام زمان ..والنفوس تغيرت ..




25 / هل سبق وأن صمت رمضان في الديرة ؟

الحمد لله ..كثير وياليت اني هناك الان ..





26 / إن كان الجواب نعم فما الفرق بين رمضان في الديرة وفي المدينة ؟

الديره حلوه واللي يحليها انك في رمضان ..




27 / هل تجيد طبخ أي وجبة من وجبات رمضان ؟

نعم .. شوربيت خخخ (( واحد ما يدري وش السالفه ))) ..





28 / هل جربت الصوم عزوبياً وكيف كنت تفطر وتتسحر ؟

جربناه بس الا تجرعنا مرارته .. الله يبارك في العوائل (((قط وجهك يارجال )) رمضان كريم ..






29 / ماذا يعجبك في رمضان ، وماذا يضايقك ؟

رهبه رمضان وحلاوه ايامه .. ومشاهده المسلمين يجتمعون في الصلوات في كل مكان ...

اللي يضايقني استمرار الشباب وبعض الناس ماهم عليه من غفله وعدم الأستفاده من هذا لشهر الكريم ..كا ستماع الأغاني وتركهم لصلاه التراويح واشياء كثيره الله يصلحهم ..







30 / كلمة أخيرة :[/COLOR][/QUOTE]









واتمنى الرقي لكم ولمنتدى بني عمرو ان يجعلكم من صوام هذا الشهر الكريم وقوامه وانتم باجمل واروع حلل العافيه .. دمتم بود وباحترامي لكم ...[/QUOTE]