فوائد قيادة المرأة السعودية للسيارات

من فوائد قيادة المرأة السعودية :

أن ذلك يضفي على الحركة المرورية لمسات سحرية وجمال أخاذ.

سواقة المرأة للسيارة يحجم بل يمنع مشكلة تهور الشباب وقطع الإشارات المرورية فسيحرص الشباب كل الحرص على أن لا تفوته إشارة حمراء لعل الله إن يرزقه(( ببنت الحلال )).

سعـــــودة محلات البنـــــشر بنسبة 1000% لأن الشباب كل واحـــد بيفتح له بنشر وينتظر تبنشر سيارة وحده من البنات عشان يصلحها وهذا غير الشباب اللي يتلقاهم على الخطوط منتشرين تقل جراد كل واحد بعفريتته ومفك الكفرات.

ويكثر التقديم على وظائف المرور وخاصة أبو سبيته اللي يجلس عند الإشارات يعني زين إذا ما لقيت المرور يشترطون شهادة الطب للي يبون وظايف عندهم من كثر الطلبات عليهم.

سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو أصحاب المحطات يكسبون ريال واحد يعني تجي البنت تقول أبو الشباب صب بنزين بعشره ريال طبعا أبو الشباب يحط لي البنزين في التانكي ويفتح فمه ويناظر البنت ما يدري إلا و هو معبي تانكي السيارة للآخر يعني FULL طبعا يوم يجي يحاسبها بتعطيه عشرة ريال مثل ما قالت له عب ويا ليته يأخذ العشرة ريال بعد إلا يطمر ويحلف عليها ما تدفع ريال ويقول هالمرة خليها علينا.

توفير فواتير التليفونات يعني أم صويلح اللي كانت تتصل على أم دحيم وتجلس تكلمها بالساعات بيصير التلفون مال أمه داعي يعني أم صويلح بتمر أم دحيم والا بتقابلها في شارع وكلن بسيارتها وهاتك سواليف و هروج و هذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعية بس افلقني لو احد فتح فمه وقال لهم حركوا السيارات زين إن ماباشرو عليهم ببارد والا بعشاء وهن بسياراتهن ويقولون لهم خذوووو راحتكم على الآخر أصلا حنا ما ورانا شي وين الأبطال اللي الواحد ثواني يوقف سيارته ما يدري إلا مليون واحد يقوله حرررك من هنا والا والله لأكسرك يا ابن الكلب!
وعلى فكرة فائدة قيادة السيارة لا تقتصر على المرأة ( الآنسة) بل حتى (المدام) المتزوجة ومن ذلك انه إذا حصلت خصومة بين الرجل وزوجته واحتد الأمر وعلت الأصوات وامتدت الأيادي(وصفقها وصفقته) واحمرت الأعين وتطاير الشرر منها وأرغى وأزبد كل منهما... عندها ستقول الزوجة لزوجها (ودني لأهلي) وسيقول الزوج( ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له (أروح ورجلك فوق رقبتك)
كذلك من فوائد سواقة الزوجة هو أنها تساعد في إحضار الأولاد من المدرسة وكذالك يمكن المرأة ( الزوجة) أن تسهم كما أسلفت في مصروف البيت وبذالك بان تمارس مهنة( الشيّاب ) أي تحميل الركاب... وهنا أوصي المرأة باقتناء الهايلكس الغمارتين وإذا لزم الأمر ((دِيَنَّا)) لتحميل الطوب ونقل العفش والرمل والخرسانة



تحياتي
من بريدي