أغليك وأحبك؟؟

مهما بدا من بيننا هرج و نزاع
.............يبقى الغلاك بوسط قلبي مقره

صحيح أغار و خاطري منك ملتاع
............لكن غلا ك انت تعدى المجره

أغليك و لحبك أنا دوم طماع
............ مارخصت من شانك ولو كان ذره

شيدة لك قصر المعزه بالاضلاع
............بصدق المشاعر و الوفاء و المبره

وإن كان يوم بالزعل جات الاطباع
.............. لولا غلاكم ما عليك اتشره

اذكر غلاك و هرجتك عذب ومتاع
............ و انسى زعل قلب ولو هو تشره

و اسامحك وانسى همومي والاوجاع
................ولي قلب يغفر زلتك الف مره

مسموح ماني من سواياك جزاع
..............ولو تجرحي قلبي و تدميه حسره

تبقى المحبه الوفاء ما بعد ضاع
..............وارجي عسى منك تجيني مسره

أغليك و أحبك بلا زيف و خداع
...............ما غاب طيفك وسط بالي ممره