(((((( زايــــــــــــــــــر الليـــــــــــــــــــل)))))

زاير الليل زادت غيبتك حيرتي = في غيابك تمنيت الزياره تعود
كنت ناوي السفر والغيت تأشيرتي= كيف أسافر بعيد وراحتي بالوجود
كم تجرعت مــرّ البعد في غربتي= وكم تمنيت قوة صبر وأكثر صمــود
ليت من لامني يوم أفضحت عبرتي = يدري أني مع الغالي صدوق الوعود
زاير الليل زان الكون في نظــرتي= والامل عاد من بعد الجفاء والصدود
أسال الليل عن شوقي وعن فرحتي= واسأل القلب عن حب(ن) تعدى الحدود
انت يازاير احلامي سبب راحتي= والهناء والسعاده في وجودك تزود
ياعبير الرياض وياشذى ديرتي = ياشموخ الجبال وياسراب النفود