حـزن الـ غ ـياب ،،وين ابتهال ؟؟؟؟

حنان الأم .. ذلك الحب الذي لا يجف ولا ينضب
الشوق الى تلك العينان البريئتان ..
لاأدري ..
اين تختفي الكلمات؟ وأي لحافٍ اردت بعد اختفاء هذه الطفله!!
فكلماتي أمام هذه الطفله الضائعه تبقى مصلوبه
مكسوره.. مهترئه..
لا اجد مااكتب فقد سبقني الكثير
بقلبٍ مجروح.. وعينٍ دامعه
لك ِ أنتِ يا (ابتهال) ابعث رسالتي هذه باسمي، وباسم والدتك التي سكنها الألم
اليكِ ياابتهال .. والى ذلك الخاطف ....... الظالم.... الذي أسأل الله جل وعلا أن يتقي الله في نفسه وفيك
ويعيدك الى اهلك سالمه

..............

ضاقت الدنيا بعيني .. والسبب حزن الغياب =وابتدآ نزف ٍ بصدري منبعه.. وين ابتهال؟
يمه وينك؟ جاوبيني! حالي من بعدك عذاب=انفطر قلبي عليك ..وهذا حال أم العيال
ذابت عروقي بجسمي ..عفت أنا حتى الشراب=والألم سكين مجرم ..داخلي ساحة قتال
بعدك أنتِ وش بقالي.. غير صوره من سراب=والحنين اللي ينادي .. من يمين ومن شمال
ريحة ثيابك وعطرك ..واسمك بسطر الكتاب=وصوتك ونبض السوالف.. كلها صارت خيال
أدري أنك تسمعيني..حــاولي رد الجواب =بنتظر يمه جوابك ..واكسر يدين المحال
الهواجس في خفوقي.. فاتحه الفين بـــاب =مدر ي تنامين والاّ.. حالك بشهرين حـال
حضنك المعهود أصبح .. من بعد هجرك خراب =والدَمْع يشكي أنيني ..كل ما آواسيه ســـال
آآآه من فرقاك يمه.. وآآآه يا كُبْر المصاب =وآآه يالحرمان حرّه ..جمره يفيض اشتعال
بنتظر لحظة رجوعك .. بشتري أحلى الثياب=والوعد يوم التلاقي..يوم يجمعنا الــوصال
يوم أقــبّلها يدينك..والــحـزن ودّع وغـــاب=تكفى يالجاني ترفق ..تهت في وجه الليال
رد لي روحي بجسمي ..وارتجي حسن الثواب= ردها تكفى لحضني.. ما أبي قيل ٍ وقـــال
يا جعل عيني تهنّى .. قبل ما آزور التراب=والأمـل بالله وحده ..يرد لي بنتي ابتهال