بعدك صعيب ولا ابيه!

حبيبتي لا تعتبي ولا تقولي ليش اغيب=حبيبتي سر الغياب اصعب من انك تفهميه
لاغاب صوتي وانقطع ولالقيتي لك مجيب=تكفين بالله اعذري حبيبك لازم تعذريه
والله ماودي اطيح بعين محبوبي واخيب= والله ماودي اصير الجافي اللي تنشديه
يابنت بعدك هدني والجرح في قلبي عطيب=اقولها واعيدها بعدك صعيبْ ولا ابيه
لكنها الدنيا كذا صعبة ولي ظرفٍ صعيب=يا صعب ظرفي ياالغلا..ياصعبه لوتتخيليه
همي رضاك ومنيتي اكون لك اغلى حبيب=هذا هو اللي ارتجي واحلف لك بربي عليه
واتوقع انك وافية ولاتخوني للمشيب=هذا العشم بك يا هواي الحب لازم تحفظيه!