المشكله في مجتمعنا حثاله

يـالله يـا ربٍ رفـيــعٍ جــــــــــــــــــــلاله = يـا خالـقٍ بــأمـرك جـبــــــالٍ رواســــي
أجعل جميع أعـمـالـنـا بـالـعـــــــــــــــداله = ولا تعرضنا دروب الــنـــجـــــــــــــاسي
وعسى خـبـيـــث الـرآي يـلـقى زواله = و يـفــداك يـا راسي مـائـة ألــــــــف راسِ
واللي نوى بالشر تقطع آمــــــــــاله = وأقطع رجاء أهل الوجيه الــعــبـــــــاسي
اللي عـوايــدهـا تـحـب الـنــــذاله = وأقوالها في القلب مثل الــمــــــــــــــــــواسِ
والمشكله في مجتمعنا حـثـــــــــــاله =حثالةٍ تـجـلـب جميع الـمــــــــــــــــــآســــي
ما تعرف الشيمه ومعنى الأصــــــــاله= وتســـبب الـفـتـنه بـوقتٍ قــيـــــــــــــــــاسي
واللي يـغـَيـرّ عن الحقيقه مـقــــــاله = يصبح على ما قـيـل أبــو نـــــــــــــــــــواسِ
يقولها اللي ما مشى في الظــــــلاله = ولا تـدنـــّس موقفه بـالــــدنـــــــــــــــــاسـي
ما أبغى حرام الفعل أبغى حــــــــــــلاله = وإذا لبست ألبس نظيف الـلـبــــــــــــــاسي
وأشوف بعض الناس صعبٍ ســـــــؤاله = لكن له عندي جوابٍ أســـــــــــــــاسي
أبـغـاه مـا يـنـسى قـديـم الـزمـــــــــــاله = وان كان ناسيها فلا نـيـب نــــــــــــــاسي
وإن كان قال الـيـوم مـالـي ومـــاله = يصبر على جمرٍ وقع في الـنـحــــــــــاسي
بيني وبينه حالةٍ وألف حـــــاله = ســــــنين مـاهي مـثـل فـصــــــلٍ دراســـي
لكن على ما قال راعي الجَمَـــــــاله = أخـتـر رفـيـقٍ مـا يـجـي مـنـه بــــــــــــاسِ