حارة السلوان

	لي صاحب غالي ** في كل الأحوال ** دايم على بالي ما يقبل النسيان حبه معي الأول ** يبقى ولو طول ** يسكن ويتجول في قلبي الولهان من يوم قابلني ** وبالعين ناظرني ** وقفت أنا أغني من أعذب الألحان وجاني وأنا جيته ** وسلم وحييته ** وقال الوعد بيته في حارة السلوان قلت العذر دونك ** خايف يشوفونك ** ناسٍ يعرفونك وأصير أنا الغلطان قال أنت ما تدري ** أن الهوى العذري ** أعرفه من بدري والحب له عنوان قلت الوعد بكره ** جلسه مع سمره ** وتخير الفتره في أفضل الأحيان