الولد والأم قصه خطيره

في يوم من الأيام راح رجل إلى السوبر ماركت عشان يتبضع على قولتهم وبينما هو يشتري أغراضه ... كان ملاحظ أمرأة عجوز تحوم حواليه وتراقبه من بعيد لبعيد !!!! واستغرب منها وقال في نفسه من هالمرأة و ليش تراقبني بنظراتها ؟؟؟؟ وبعد ما خلص وأخذ كل مايلزمه راح عند (الكيشر) المحاسب وإذا بالمرأة كانت هناك قبله وتحاسب على الأغراض اللي اشترتها ... في هالأثناء سألت الرجل وقالت له : أنت ايش أسمك ؟ قال لها: فلان قالت له : آآآآآآآه تعرف ياوليدي أنك ذكرتني بولدي المرحوم هنا بدأ يفهم سبب نظراتها له قال لها اوووو الله يرحمه ويعطيك طول العمر قالت له بس أنت تشبهه بشكل رهييييييب يا وليدي قال لها : يخلق من الشبه أربعين قالت له : ممكن أطلب منك طلب .. بس لاتردني أرجوك قال لها : خير شنو طلبك و إنشاء الله أقدر ألبيه لك؟؟ قالت له : هو طلب واحد وأنا متأكده إنك تقدر تنفذه و ما راح يصعب عليك قال لها : خير قالت له : خير بوجهك يا وليدي بس كل المطلوب منك وبما أنك تشبه ولدي كتير أطلب منك تناديني ياامي قال لها بس كدة!!! ( امي) قالت له لالالالالا مو هذا قصدي .... قصدي وأنا ماشيه الحين تودعني وتقول لي مع السلامه امي وتكررها كم مره أرجوك يا وليدي لا تحرمني من هالطلب تكفى وبعد ما خلصت مشت وهو نفذ طلبها وقام يقول لها ( مع السلامه امي ) عدّة مرات ولما جاء دوره يحاسب طلع له الحساب فوق ما يتصور وأكثر من اللازم أستغرب و إستفسر منهم قال له الكيشير أن والدتك طلبت منّي أسجل الفاتوره على حسابك انصدم الرجل وعرف سر كل هالمسرحيه اللي مثلتها عليه العجوووووووز وفعلاً أن كيدهن عظيم

ملطوووش بتصرف ونصيحه للتماسح يطيحون في مقلب مثل هذاااا


سلا...................مي للجيمع ..

أخوكم أبو مانع ..