قصيدة في قمة الروعة ( شوفة المطلقة = صوتية )

صبحكم الله بالخير

أنا أدري أني غايب عنكم لي فترة

ولكن يقولون من طول الغيبات جاب الغنائم

هذه قصيدة في قمة الروعة

شوفة المطلقة ( ملف صوتي )

وهي مرفقة بالموضوع حملوها وأسعدوبها

وإللي يبيها من رابط يبشر

يالله حملها من الرابط ولا تزعل . . . . . هدية لعيونك ياغالي 0

وإللي يبي نص القصيدة يأمر آمر

أنا من لي غيركم . . . . . .

صادفتها صدفه بمستوصـف القمـه = بالعين راعيتهـا لحظـه وترعانـي
شميت انا عطرها ويابخت من شمّـه = يدوخ ويسكر ولو ماهـو بشربانـي
قمت آتذكـر زمـان فـات وآلمّـه = لا عـاده الله نصيبـاً يـوم ودانـي
هلت دموع العيـون ولابقـي همّـه = من ماجرا لي نسيت آلام الاسنانـي
معها اخوها رفع كفـه علـى فمـه = - كنـه يقـول الله الستـار ياقانـي
نفس الملامـح ويشبـه دمهـا دمـه = سبحان رباً خلقهـم دعـج الاعيانـي
يدري بحبي وتـدري امـه وعمـه = حال القدر بيننـا والحـب سلطانـي
يبكي ويمسح دمـوع عيونـه بكمـه = يبكي على شانها ويبكي على شانـي
والله يالولا الحيـا والديـن لاضمـه = واسمعه شهقتةً مـن قلـب شفقانـي
الحب بلـوا ومنـه النفـس مهتمـه = وش حيلتي والغضي دمي وشرياني
جسمي يروح ويجي والقلب من يمه = القلب عنـده يبيـه ولا يبـي ثانـي
اقسم بربي وانا لـي مذهـب ودمـه = لاعيش احبه ولو حبه علـي جانـي
شربت كاس الهوا ورويت من سمـه= مامت وارتحت ولاهوبالـي احيانـي
اضحك مع الناس ولاحزان منضمـه = كني سعيدا وانـا مبلـي بالاحزانـي
عندي وصيه وتال الهـرج يـا يمـه = الموت حق على القصاني مع الداني
وان صرت فوق النعش والناس ملتمه =مروا على بيتها وتشـوف جثمانـي
قولوا لها الموت زم صويحبك زمـه = مامات حبه ولوهـو بالنعـش فانـي
شلناه للمقبـره وادعـي لـه القمـه = خوذي ثوابه وجودي له بالاحسانـي
يالله يالمقتـدر ياكاشف الغـمـه = تفرج لمن حالتـه دومـاً بنقصانـي

إهداء لأغلى منتدى
وسلامتكم جميع