سألتها

[poet font="Andalus,5,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" shadow(color=sienna,direction=225)"]
سألتها ليه البحر ساكن عيونك

جاوبتني للغرق

سألتها ليه السواد اللي في عيونك

قالت للأرق

سألتها ليه الخدود

قالت عبق

سألتها هي رقتك مثل النسايم و الورود

قالت لي لأ يمكن أرق

سألتها عن حسنها كنه يقول ماللشعر فيني حدود

قالت صدق

سألتها يا اغلى الأنام .. وشو الغرام ؟؟

قالت لي انك ما تنام .. و أوهام

وتنتظر شمس اللقا و ما تجي شمس اللقا

ومشوار ما يعرف وصول

ولحظه بها كل الفصول

وقلب واحد يحترق

وبعض الصدق

ووقت عصيب و يتبعه وقت عصيب

ولين يتعدى الصباح

وجراح تدمى لو تطيب

وفي الأخير .. خل عن خل افترق

وفي الأخير كل النهايات الفراق

ما في فرص

مافي نهايات بلقا إلا في خيالات القصص

سألتها وش هو الوفا ؟؟

قالت كفى .. النور من ضيي اختفى

والليل في عيوني غفى

اترك كثير الأسئله .. اسأل عن عيوني و كفى

اسألني ليه البحر ساكن عيونك ؟؟

ليه السواد اللي في عيونك ؟؟

سألتها جاوبتني للغرق .. للأرق

سألتا عن حسنها كنه يقول

ما للألم فيني حدود

قالت صدق ..

الشاعر الأمير عبدالرحمن بن مساعد
[/poet]