الصفات السلبية في الزوج

قبل فترة رأينا في أحد المنتديات موضوع الصفات التي تكرهها المرأة بزوجها
طبعاً حاولت اذكر بعض العيوب اللي لو تخلص منها الزوج بيكون زوج مثالي وهذا ما يعني ان العيوب كلها بتكون موجودة في شخص واحد وآلا صار كارثة مو زوج ولا يعقل آن فيه زوج مثالي خالي من العيوب... وقبل ما أنسى تراني انا نفسي أعاني من بعض هذي العيوب ... يعني لا يطلع لي أحد يقول أنت مسوي فيها مثالي ومصلح اجتماعي ....

1-انحرافات الزوج الأخلاقية وعلاقاته المشبوهة
2-كثرة الخروج من البيت لأسباب غير مبرره
3-التدخين في المنزل ....خصوصاً إذا كان الأطفال متواجدين في نفس الغرفة
4-الانشغال بمتابعة القنوات الفضائية والفيديو والإنترنت ...ولا تنسون البلاي ستيشن
5-كثرة الدعوات للضيوف في أوقات غير مناسبة
6-البخل ... البخل .... البخل
7-الاهتمام المفرط بالهندام عند الخروج للأسواق ( بعض الرجال يغازل وزوجته معه )
8-ضعف الشخصية خصوصاً أمام الآهل والأقارب ( تبعية الفكر)
9-عدم الاهتمام بالمظهر والنظافة والشكل داخل المنزل
10- سطحية التفكير وضعف الثقافة وقصر البصيرة
11- الأنانية
12- محاولة فرض الآمر الواقع على الزوجة بدون ذكر أسباب مقنعة
13- عدم إظهار المحبة لأهل الزوجة ومحاولة الانتقاص منهم بشكل او بأخر ( واللي يبي شوري يطيب خاطر آم زوجته ... تراها مفتاح عقلها)
15- قيادة السيارة بشكل مخيف ( فيه واحد يقول آن زوجته حلفت أنها ما تركب معه في السيارة ......ليش ؟؟؟ الأخ مسوي فيها ثلاث حوادث في سنه)
16- التهديد المستمر بالطلاق آو الزواج ( مثل واحد متزوج أربع كل ما يزعل عليهم يجمعهم ويقولهم : والله اني شايف لي عروس جديدة بس ما ادري مين أطلق فيكم.... وهن على طول يمشون على العجين ما يلخبطونه)
17- أكل بعض أنواع الطعام ذات الروائح المكروهة ( تخيلوا عاد ....ثوم وبصل )
18- التشخير المستمر دون البحث عن علاج ( بعضهم صفارة حرب كميائية)
19- استعمال أشياءها الخاصة (امشاط ... صابون ... شامبو ... جل استحمام ... عطور )
20- عدم الاهتمام بترتيب المنزل ( المسكينة ترتب لين تتعب والأخ يجي يحوس الدنياء فوق تحت ... مجلات وجرايد منثرة ومنديل مرمي هنا ومنديل هناك مع ان السلة قريبه منه )
21- بعدين ... ( بعدين هذي مشكلة كبيرة كل ما تطلب شيء المسكينة تلقى الأجابة المعتادة ... بعدين ... والسبب واحد الأخ كسلان )
22- عدم مراعاة الحالة الصحية .... ( سخونة وزكمه وكحه ... والأخ يقول : يا وضحى سوي الغداء ... رز وكم صنف أيد أمات على كم صنف معجنات وحلويات وعصير ... واذا انتهت المسكينة وتغداء الأخ قال : أعطينا قهوة وشاهي ولا تنسين المكسرات ودخاني وطفاية الدخان وقربي معك ريموت التلفزيون ... والله شيء يحزن )
23- إكراه الزوجه على زيارة من لاترغب بزيارتهم ... ( يعني لازم تجامل زوجة مديره حتى لو انها ممله وترفع الضغط ... وزوجات أصحابه وجيرانه ... الأخ يتقرب بكل الطرق )
24- الهدية مفتاح قلب الزوجة حتى لو كانت بسيطة ( مع الراتب جيب عطر ...100 ريال مو كثير في ام العيال وست الكل ... طيب خاطرها بشيء الله يطيب خاطرك )
25- النوم خارج غرفة النوم ( أركدووووا ... انا قصدي أن بعض الأزواج ما يحب ينام في غرفة النوم لأن الأخ ما يحب إزعاج الطفل الرضيع وآلا الصغير ... الأخ نسي انه طفله بعد)
26- الكتمان ( آنا ما اقول قولها على كل شيء بس مو تصير مقفول بأرقام سرية وحاط على فمك أقفال بنك الراجحي ... حسسها أنها صديقتك وزوجتك والأخت والحبيبة وكل شيء ... مو مثل بعض الزوجات تسمع أخبار زوجها من الناس )
27- اللعب ... ولنا في الرسول عليه الصلاة والسلام مثل أعلى كان عليه الصلاة والسلام يسابق أم المؤمنين عائشة رضي الله عنها( بس مو كل مره أنت اللي تفوز مره أنت ومره هي ... ولا تغش يا مجرم )
28- التعالي ... ( بعض الأزواج كاشخ على زوجته بكل شيء ودايم يسوي مقارنه بينه وبينها وبينه وبين إخوانها وبينها وبين أخواته )
29- الماضي ... ( الحين شيء انتهى ليش نتكلم فيه ... يعني المثل اللي يقول : الكلام في الفايت نقصان في العقل مو عاجبك؟؟؟)
30- تظخيم المشاكل ( الحبة تصير قبة ... طيب المسكينة أخطائت واعتذرت وحبت رأسك وآنت باقي زعلان ومكبر السالفة ... ياخي دور ترى حولك جدار وآلا بحر ... وش تبيها تسوي لك يعني ؟؟؟)

هذي بعض النقاط أو العيوب واللي عنده زود لا يقصر