...(( دروب الحــــــــــب ))...

السلام عليكم ورحمة الله وبركاااته

هذه القصيدة .. تعتبر لي نزف

وكان لها منااااسبة خااصه فاجعه ..

القصيدة كتبت على لحن لفنان العرب محمد عبده

بأغنيته الجميلة (( آلا واشيب عيني يوم قالوا لي فمااان الله ))

وأشكر مقدما كل من يمر على هذه القصيدة .. أو يعقب عليها

دمتم بود

الحب الحب

	بيوت الشعر هزتني وثـارت ثـورة البركـان=بسم(ن) من معانيها وجمر(ن) فـي قوافيهـا ذكرت الله ماغيـره تحليـت بصبـر وإيمـان=وقمت أكتب عبارات(ن) تعبر عـن بلاويهـا وكان أول عباراتـي بقلـبٍ عاشـقٍ ولهـان=ذبحه الهم والحيـرة وقـع مقتـول فِيديهـا آلا ياقلب لاتحزن ترى الدنيا وَهَـم عطشـان=وأنا مَنّكِر ولا تِنّكِـر بأنـي مغـرم(ن) فيهـا وفيت ومارضيت أقسى وأكون بحبها خـوان=بيـوت الحـب أرددهـا وألحنهـا وأغنيهـا نزفت دموع فرقاها تنام الليـل أنـا سهـران=ذبحني الشوق أنا وَهيم في رَمشات عينيهـا وصرت أوصف ملامحها بشعرٍ غاااوي الالحان=تدلل هي ترى وتزعل وأنـا دايـم أراضيهـا ولكن هى ترى تجهل بأني شاعر ولي شـان=وقلبي ملّ مـن صبـره وطعناتـه يداويهـا أنا يابنت لي عزّة وقلـبٍ يرفـض الحقـران=أنا الجارح وأنا المجروح أكحّلهـا وأعميهـا أنا الوافي وأنا المغرم أنا طاير بـلا أوطـان=أنا العمري حسن يابنـت وأقوالـه بيفديهـا خلاص الحب مليته طويتـه صـار للنسيـان=زمان الحب قـد ولاً بليلـى وكـان مشقيهـا وكان آخر عباراتي بعهـد موثّـق الأيمـااان=دروب الحب ما أسلكها ولا أقصدها ولا اجيها