مـالك الحســـــــن

تحياتي للجميع
احببت ان اطرح لكم هذه القصيده الرائعة للشاعر المبدع الأخ / غرمان بن محمد بن عزيز العمري

الله حسيبه مالك الحسن والزين = يخفي جماله عن عيوني وانا اشوف
ما يدري ان القلب تشهد له العين = والحب في وجه المخاليق مكشوف
وانا مثيل اللي وقع وسط نارين = مدري اطيع القلب ولا اتبع الخوف
و المشكلة ما هي تقدر في اثنين = المشكلة شي في القلب معروف
واللي نريده يا عرب من القريبين = ما هو على ما قيل ضيف من ضيوف
الأسم واحد ما يسجل له اسمين = وأكيد عنده ظرف وأنا لي ظروف
فان كان راعي الأولة عون ومعين = جاب الجواب اللي تصفق له كفوف
والحب له عندي مجال وموازين = أقولها صادق ولاني بمكسوف
حتى ولو عمري تعدى الثمانين = معسوف أنا يا ناس للزين معسوف
قلبي خضر مهما تجاوز من سنين = شاعر هواوي والهوى حافني حوف
واللي قصدته حدّه الطيب واللين = وإذا تعذر مطلبي ما به حسوف