تخفيض المهورفي قبائل بني عمرو

الأخت ذات الشان كلامك كله صحيح لكن احب اقول لك الرجال ماهم سوا 000 وعلى ماقال الأول الونعم ماهو مكتوب على جبينه ( يعني مايعلمه الا الله ) الرجل المثل اللي ذكرتيه نادر واعتقد انه سفيه اونذل وحقير ليش ما قبلها الابعد ما تربوا لحيته ومثل ما الرجال فيهم اللي مايسوى في البنات اللي ماتسوى وللمعلومية مايعلم الاالله من هو الرجل الكفو ومن هي البنت الطيبه وما يبان هذا الابعد مرور اشهر من الزواج والحكاية في بدايتها بيعة بطيخ ( شوية افكار ) وفي البيت يبان هي البطيخة حمرا والا بيضا هي حاليه والا نص ونص ينطبق هذا على البنت وعلى الولد وهي في النهاية ارزاق واللي علينا خففنا وقللنا التكلفة علشان يدخل الواحد التجربة ومايمنعه منها شي
انا اضرب لك مثل رجل شهم زميل يشكي عليه من وضعه بعد ماتبادينا الأسرار وجدت زوجته ما تستاهله حسب ماأرى ويمكن انه هو الخطأ فيه قلت له من باب المزح افتك منه ياخي ولا تجلس محزون قال والله مايردني الا ابوها يوم تزوجت اعطاني ثلاثين الف وقال تراني اعطيت زوجتك ذهب وبعض الملابس بعشرة والباقي استسمحت منها اعطيكه وجميع الكلفه من عندي 00000 وابشرك مرت الأيام وفهموا بعضهم وهم الآن سعداء ولله الحمد
مسألة اخذراي البنت فالهدف هو مايصلح لها وأنا اعلم ان المستفيد الأول من هذا الشئ هي البنت 00000000وسلامتكم