يازين من هجركم شاب راسي,,,

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يازين انا من هجركم شاب راسي
وقلبي بصدك ياعشيري حمسته
ماكنت أظنك يااريش العين قاسي
وشلون جازيت الصدق وحبسته
ماني لحبك ياهوى البال ناسي
ماانسى هواك اللي بقلبي غرسته
يصيب قلبي لاذكرك التماسي
سهم المحبة في ضميري ركسته
ياعين حرالا سمع له حساسي
أرحم طريح بالمخالب فرسته
العين عقبك ماتذوق النعاسي
لاواحسافه كان حبي طمسته
رجاي فيك ومنك يازين ياسي
وافرح بعطفك كان منكم لمسته
الحب شين الياتعدي المقاسي
ولو طاوع القلب المشقي حرسته

[/poet]