لعشاق القلطة

السلام عليكم ورحمة الله وبركاته
هذه محاورة من أجمل وأروع المحاورات التي جمعت الزلامي وصياف
اقدمها لكم آمل أن تنال على إعجابكم.......

رشيد :

يا سلامي ها السلام اللي خفيف ٍ دمّـه
معه جنسية ويبغى له جـواز سعـودي
مشكلة صياف صارت بين ابوه وعمّـه
والسبب ناس ٍ تدق الملـح والبـارودي
@
@
صياف :

مرحبا بالشاعر اللي مـا قـدرت آذمّـه
الليالي مـا تغيّـر والزمـان ايعـودي
الزلامي معه علـم وكـل شـي ايهمّـه
مير لو يزعل تغيّـره الليـال السـودي
@
@
رشيد :

كيف تدلي بالشهادة يـا كبيـر الذمّـه
وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه
والعرب فالصيف تعرف عدها المارودي
@
@
صياف :

العلوم اللي تحـط النـاس راس القمّـه
حبلها من يمكم يـا صاحبـي معقـودي
ثوبك اللي ما ينوش الأرض غير ابكمّـه
نزله للجمرة اللي فـوق راس العـودي
@
@
رشيد :

ودي اكشف غلطتـك للعالـم الملتمّـه
أنت حربياً تطالبنـي بـورث اجـدودي
يا محبيـن العقـال ومنكريـن العمّـه
خصمكم في الآخرة عبد الله المسعـودي
@
@
صياف :

أنتم رجال الشرف وعظامكـم منسمّـه
أعبروا ذاك الطريق وحملكم مشـدودي
أنت ما تدري عن البارود ليـن اتشمّـه
مير لا ترمي بها فالـوادي المسـدودي
@
@
رشيـد:

لوّ يا صياف علمـي تمسكـه وتضمّـه
تاجده مثل العسل وألا حليـب القـودي
أنت تحسب جدنـا داب يمـوت بسمّـه
مير أنا باذل لنصره طاقتـي وجهـودي
@
@
صياف :

يقطع الله ديرة اللي ما يعـرف الجمّـه
والتجـارة يالعتيبـي بابهـا محـدودي
قبرك اللي في تهامـه بالتـراب اندمّـه
تحفره بالليل الأظلـم والعبـاد رقـودي