@@أريل جهازه <<ورشاشه>> وكرسيه@@

الاخوة الاعضاء/السلااام عليكم ورحمة الله وبركاته وبعد

فليس هناك أفضل من التلقائيه في كل شئ..........
فهذا فرد من أفراد ((حرس الحدود)) في الجنووووب جادت قريحته بهذه الابيات
وهو على راس العمل مبينا فيها صدق الولاء لهذا الوطن المعطاء,,,,

الله على اللي بعيدات(ن) مناويه=ما جا جميحي ولا توريد عيسائي
موردته الحكومه طقم دوريه=لونه مموه على الاوراق حربائي
ماركبوا له خطوط وفيه فرقيه=ترس الدبل ينشبك وبشكل تلقائي
اليا وطى تختخ(ن) جرد(ن) مواطيه=أثره على القاع كنه قصف عشوائي
إن أقبل تقول كنه ناطح(ن) هيه=واليا قفيته سراب الجرهد المائي
كنه على رملة العرق الصفاريه=قذيفة الراس من جبهة علي دائي
أريل جهازه ورشاشه وكرسيه=موزنات(ن) تقول أوتار الاحسائي
كن حسه شوار بنتين(ن) بكليه=تضحك والاخرى تقول أخطيت بإملائي
عليه فرقة مناعير(ن) شقرديه=ترفع علمها ولاتقبل بالاخطائي
فرقه نشاما على حد السعوديه=تردع بشهب القذايف كل غوغائي
تتبع لحر(ن) بعيدات(ن) هقاويه=حر(ن) شهر وأعتلى بالمرقب الناءي
نايف ونايف حرام(ن) ماحد(ن) زيه=شاجع وفاهم وصاحب فكر وإنمائي
أردد اسمه ولي في الطيب ماريه=من كثر طيبي تحير جملة أعدائي
وجنسيتي عزها الله خير جنسيه=ماهي تشكل كما التمساح برمائي
واللي خذته الظنون بنفسه السيه=يفكر إنه أديب وكاتب إروائي
يكفيني إسمي يسبب له حساسيه=ماهوب الاول لكنه آخر أسمائي
كلمة سعودي:نعم ماهي بعاديه=أفخر ويفخر بها من بعدي أبنائي