التاريخ لايعود للورى

صباح الخير ، ممكن لو سمحت اسألك عن حاجة
انا التاريخ هذا اليوم يابن الناس مادري كم؟

وجاوبت وجوابك مايصير ، اشلون مخراجه؟
تقول اليوم تاريخه تراجع للورى ياعم!!

وهل الايام ترجع والزمن يختلْ منهاجه؟
محال الشي هذا لو تحلف انّه صحيح وتم

دليلي شيب راسك والطفولة أصدق مواجه!!
دليلي ضحكة ايام الصبا صارت سحابة هم!!

دليلي كم فقدنا من حبيب وفلّة إحجاجه!!
دليلي كم جروحٍ فيضها يكبر ولا يلّتم !!

دليلي ياضعون البدو قصرٍ صِك مزلاجه!!
وجمع المال كلٍ في طريقه يجري ومهْتم!!

دليلي كل راعي مال شيّد للسماء أبراجه!!
دليلي من مشاغلنا نسينا حق الأب والأم!!

دليلي ضاعت الفرحة وكل الناس محتاجة!!
وماتت نخوة الاخلاق والصادق بقلبه غم!!

دليلي ياسفينة نوح للطوفان وأموآجه
ركعنا واللسان أبكم وأذان الحق صارت صُم!!

دليلي ياظلام الليل وين النور وإسراجه؟!
دليلي ياكفوف الطيب من طيبك كسبتي ذم!!

هنا ياليتني ماقلت ممكن اسألك حاجة!!
ولاحاولت اعرف اليوم تاريخه يساوي كم!!

شآعر من بعيد