القلب تصلاه نارين

قال الجنوبي القلب تصلاه نارين


قال الجنوبي القلب تصلاه نارين
والحال يا هل العرف زايد دماره

على غزالٍ مرني عصر الاثنين
داخل على الدكتور وسط العماره

صدفه بلا ميعاد شفت أريش العين
وأرسل عليّ من سهم عينه شراره

شفته وصوّبني بعينٍ .. وخدين
وامبيسمٍ يا ناس زايد حماره

خشمٍ كما خنجر يماني بحدين
ومجدّلٍ لنقضه مثل الستاره

هذا الذي له داخل القلب قصرين
قصرٍ سكنه وقصرٍ يقبض ايجاره

هذا حبيب الروح سيد المحبين
ما دري متى يسمح لنا بالزياره

الله يلم الشمل الشمل ويّاه عجلين
ويريح قلبٍ تشتعل فيه ناره

قلبه عليّ قاسي ولا اظنه يلين
وأظن قلبه من قوي الحجاره

لو تنفع المنوه تمنيت ذا الحين
شوف الحبيب اللي سباني سماره

لاشك ما ينفع مقيمٍ وعجلين
وما ينفع المنسي كثير انتظاره

الشاعر الشعبي الراحل/ محمد سعد الجنوبي " رحمه الله "