يــا دار ويــن أحبابـنـا

يـــــــــــــــــــــا دار

يــا دار ويــن أحبابـنـا الـيـوم يــا دار
يــا دار ويــن الـحـب ويــن المحبـيـن

يــا دار كـيـف تحـولـت جنـتـك نـــار
وتغـيـرت الأحــوال حـيـن بـعـد حـيـن

هـنـا لوقـفـات المـهـا بـاقــي آثـــار
هنـا لعبنـا بــا السـواقـي وبــا الطـيـن

هـنــا تبـادلـنـا خـفـايـات الأســـرار
تقـول لــي تكـفـى وأنــا أقــول تكفـيـن

كـانـت تحاسبـنـي عـلـى كــل مـشـوار
كانـت تقـول أنـت النـظـر داخــل العـيـن

كانـت تحـذرنـي وتخـشـى مــن الـجـار
وتقـول ســر الـحـب يعـلـم بــه أثنـيـن

بـدأ الهـوى غرسـه وصـار الهـوى أشجـار
أثـمـر وذقـنـا جـنـة الـخـوخ والـتـيـن

ولا حسـبـنـا مـــا تخـفـيـه الأقـــدار
والـلـي جــرى مــن قبلـنـا للمـلايـيـن

أخـتـل قـصـر الـحـب وأنـهـد وأنـهـار
وأصـبـح غـبـاره طـايـر كـنـه طحـيـن

يــا دار مـــا عـيـنـت مـثـلـك ولا دار
الـلـي ربـابـك صاحـبـي كـامـل الـزيـن

لاجــت هـبـوب الـريـح منـهـم بتـذكـار
أعـوي عـوي سـرحـان والـنـاس ممسـيـن

والا ذكرتـه شــب فــي ضـامـري نــار
أنــا أشـهـد إن أهــل المحـبـة مساكـيـن

أسكـب دموعـي لأجلـهـم مـثـل الأمـطـار
أبـكـي وأســوي مــا يـسـوي المجانـيـن



الله يرحم الحال ( م/ن)