ورق فصل الخريف !

السلام عليكم ورحمة الله وبركاته ،،
عذراً على غيابي ،، ذكرتني بكم ريحة المطر وبدايات الشتاء ،،
كتبت هذه الأبيات على اعتبار ان لدينا فصل يسمى بالخريف ،، بغض النظر عن تسلط الصيف والشتاء!

أتذَكـرك كنتي هِنا ،، وقت المصيف !
ما شفت غيرك في مكانك ،، وأذكرك

نفس الملامح ، ريح عطرك والرصيف
وأوراق طاحت بالخجل من دفتـرك

لمّيتها ،، وأثره ورق فصل الخريف
اللي تساقط في غيابك ،، وأعذرك !

كنتي هنِا واليوم أشوفك ألف طيف
مشتاق شوفك ،، والهبايب تنثرك

مع همهمات الريح والليل الكفيف
والهم يطويني ،، تمنيت أسهرك

ياليت لو تـلـفين يا الحس الرهيف
لو هي دقايق ،، بس عيني تنظرك

مثل الفرح مثل المطر مثل الرغيف
عند الفقير اللي بصدري وأشكرك

كوني هِنا تكفين يا الحب العفيف
على الرصيف اللي تخبرين انطرك

وسلامتكم ،،