انا اللي كنت لك وحدك....وضعت اليوم من بعدك

ياليت الزمن يرجع ورى والليالي تدور
ويرجع وقتنا الاول وننعم في بساطتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
كبرنا وصارت الدنيا تصف احزاننا بالدور
وكلن غارق بهمه وفي الاخر تشتتنا
*************************************
ياعين ادمعي
من صاحب مختفي
مدري غيابه اختبار
ولا هذا اللي يبي
**********************************
اول على العشاق اضحك واعيب
واليوم قلبي من هوى صاحبي ذاب
**********************************
انا اللي كنت لك وحدك
وضعت اليوم من بعدك
وسط قلبي نقشت اسمك
ووسط عيني غدى رسمك
*******************************
قدرت انساك في وهمي
وفي الواقع تعبت انساك
قدرت انساك في بوحي
وفي صمتي الم ناداك
****************************
لو عشقتج يادنيا مو عشان فيج ميزه
وربي عشان فيج روح على قلبي عزيزه
**************************
عطيتك عشق من قلبي وسلمت لغلاك ارقاب
وغيرك يحترق قلبه ولا يقدر يحاكيني
************************
لا يصيبك شك لو مقدار ذره
ولا تظن انساك لو مهما يصير
كيف ما احبك؟؟
وانا قلبي تبرا
من جميع الناس واختارك عشير
قلت لك اكثر من مليون مرة
انت(( الاول))
واللي ((بعده))
و((الاخـــــــــيــــــــــر))
**********************
صرت اتشفق شوفتك يوم بالعام
من عقب مانت عندي العام كله
واصرخ على ماضي الهوى مثل الايتام
ومثل الطفل ليمن فطم قبل حله
احدن اتمنى شوفته طول الايام
واحدن تشوفه ساعتين ثم تمله