بعلن عليها الحب

بعلن عليها الحب

بقولها الليله.. بقولها
واهدم جدار الخوف .. بيني وبينها
عدا عليّ الوقت ..
بين انتظار وصمت ..
بعلن عليها الحب
واسمع ردها
يالطيف .. الطف عليّ بردها..

حبيبتي آخر محطه بسكتي
حبيبتي آخر محطه بدنيتي
انا عندي احساس انك تستشفين المعاني
انا عندي احساس انك تعرفين شلون اعاني..
في زياراتي في سلامي في كلامي في ضياعي..
في ارتعاش الكف.. وانتي في وداعي
حالتي ميئوس منها
وانتي اللي مسئوله عنها..
عدا عليّ الوقت ..
بين انتظار وصمت ..
بعلن عليها الحب
واسمع ردها
يالطيف .. الطف عليّ بردها..

باقولها الليله وباي ثمن..
ابعلنها في سمعك
وفي سمع الزمن..
واكشف لك السر اللي
في عمري اندفن..

لو كنتي ريح باردهـ
في عز الشتا .. اخطفك
لو كنتي نغمه شاردهـ
اركض وراك.. واعزفك
مجبور .. مجبور مالي اختيار
مجبور .. باسدل على صمتي الستار
عدا عليّ الوقت ..
بين انتظار وصمت ..
بعلن عليها الحب
واسمع ردها
يالطيف .. الطف عليّ بردها..



كلمات: فائق عبدالجليل