تغيبين وادري بأن غيابك سببه الوقت

تغيبين وادري بأن غيابك سببه الوقت
وانا ودي أنشد عن غيابك ولا أشرّه

اذا مارجعتي قلتي الظاهر إنك أشتقت
يا..... علمني عسى اشتقت ذا المرّه

يجاوبك قلبٍ ذاق منّك وانا قد ذقت
ماسرّه قديم ولكن بتاليٍ ضرّه

ياذاك الجمال اللي لزين الوصايف حقت
ماينلام من جيبه على وصلكم طرّه

سكرت بغرامك والمصيبة لمنّي فقت
اعيش بخيالٍ خيره يلوذ في شرّه

اصوغ الفرايد واكتب الشعر فيك وسُقت
جديدٍ تفاصيله نهاياتها مُرّه

تمنيت صوتي ياصلك تدري إني ضقت
ولو كان صوتي زين لأرضاك بآجرّه

انا في غلاك آتووه ولشوف وجهك تقت
ولكن يغوص البحر من يعشق الدرّة

بوجهي غلاك من الشماميت واهل المقت
وبوجهي لو تغيبين ماني بمتشرّه