اجلسي عند المقابر لادفنتيها وحيده ...

ذي رسايلنا خذيها قطعيها
وان كان يكفي حق غرورك احرقيها
انثريها لو بغيتي ماابيها ماابيها
وش تساوي هالرسايل والكتابه
والحروف اللي عليها
وش تساوي
يوم قلتي هات كل اللي عطيتك
اي حاجه جتك من يمي ابيها
وش تساوي علميني
وش تساوي مع تمنانك واصرارك عليها
امسكيها ...جوديها
واحرقي كذبة حروفك وادفنيها
واجلسي عند المقابر لادفتنيها وحيده
يمكن يصادف وفي ليله امرك
او يمرك من تناهيدي سلام
بعد ليله او ليالي
صحبته شمس الحقيقه والامانه
في ليالي مأتم الكذبه يعزي
من خسرتي في مصابك
والهشيم اللي حملتي
يوم صرتي للبرودة ثلج بارد
به تطاولتي صقيع وبرد قارس
والوفا ويا الامانه قلب طفله
ضيعت باب المدينه
والمدينه عن خطاها يالبعيده
مثل بعدك هي بعيده
وزمهريرك مارحم نظرة اخيرة
باتجاه اخر دروب اتشوف منها ابتهالات المدينه
بالمطر والريح وانتي ابرد ثلوج المدينه
ياخسارة ماعرفتي ليه ماتت
ليه ماتت ماترجتك او تبين لك عليها
ارحميها ارحميهاارحميها
ياخسارة
امسكي كل الرسايل ماابيها
جوديها لاتجي ريح وتطيرها خذيها
ولاتذكرتي كلامك او قصيدك يوم ثاني
اركضي خلف البدايه
واكشفي راسك وخدك للهواجر
لاجل يضمى لاتعبتي كبريائك
ولاضميتي
اجمعي كل الرسايل واحشريها
بكاس مويه وانقعيها
بلليها وحركي حبر الخواطر ذوبيها
وارفعيها واتركيها فوق راسك
لاجل تبرد من برودة راس مثلك
واشربيها .. اشربيها ...
اشربيها و مابقى منها لبكرة
ولاظميتي بعد بكرة اشربيها
وان طعمتي للوفا نكهه تناسي واجهليها
امسكيها ماابيها
لايهمك شي عادي ماابيها
تجربه حبك ومرت في حياتي واحسبيها
من مكاسبها جروحي
واعتزازي بالوفاء اللي نقشته
في جدار اول احبك واذكريها
تجربه فيها وصلنا للنهايه من بداية
الوفاء منها وفيها
وكيف راحت كيف مرت ؟؟؟
كيف ماتت الورود اللي زرعنا ؟؟؟
وكيف انتي بهالطريقه .. تخسريها..؟؟؟