أبيات أعجبتني 00 كل واحد يشـارك

اقبلي ضمي حياتي , ضمة الخل لخليله=ما بقى فيها حياتي , غير لوعات وأنين
انشر ي في صيف عمري , نسمة الحب العليلة=واجمعي مني شتاتي , لايبعثرني الحنين
والله ان لمسة يدينك , تحتوي القلب وتشيله=ألمسي جرحي دخيلك , خللي الخافي يبين
علميني ياحبيبة , قصة الماضي الطويلة=يمكن الذكرى الحزينة , تمحي اغبار السنين
علميني كيف تقدر , طفلة النحل الهزيلة=تنتشل كل المشاعر , من رحيق الياسمين?
هي حكاية عشق والا , حن مشاعرنا ثقيلة?=هو صدود انسان والا , وقت قاسي مايلين?
بشريني هو بقا لي , بالمسا برق(ن) وخيله?=وفيه أمل بعد التعاسة , والكدر حظي يزين ?
أسئلة حارت وحار ت , في خيالي ياجميلة=وآآه يامر الإجابة , ينبش السر الدفين
اجمعيني واكتبيني , باخر اخيوط الفتيله=شخص غامض , شخص عادي , الأكيد اني حزين
لاتدفنين المشاعر , ياغزال المستحيلة=اجرحيني مايخالف , المهم : انك تجين