طيب الأنفاس

حي الله اللي يرفع الرأس طاريه
طاريه مثل الطيب وأغلا من الماس

من بيت عز(ن) شامخات مبانيه
بيت الكرم والجود والفخر والساس

له قدر عالي يا الله انك تحيِه
وله بالحشا منزل وبالروح مجلاس

اكتب له حروف خذت من معانيه
وادون احساسي بحبر وقرطاس

يا درة تأخذ من الشهد حاليه
ومن الزهر عطره ونفحه والاحساس

الروض يدري بمشيها لا مشت فيه
والورد يحسدها على طيب الأنفاس

يا ذوقها اللي ملفت بكل ما فيه
ويا وصفها اللي ما يعادله مقياس

دربه صعيب كل ما قلت باجيه
والقصر له صور وللباب حراس

يا ابو علي وش حيلة اللي ولع فيه
صدره ضناه الشوق والفكر منحاس

الله حسيب اللي عن الود حاديه
اللي سقاه المر كاس ورى كاس

بقلمي...

ملاحظه :
ورد أسم أبو علي في البيت قبل الأخير
وهو الشاعر الكبير محمد بن لقفص العمري
الذي جاراها مشكورا بقصيدة شامخة ..
إن شاء الله اطرحها هنا قريب ..


5/7/1435