(( مســــهل الضـــرب على المخيــــــله ))

ضرب البنادق للمخيل 00 في ناظره يامسهله=وبيت الشعر عندي فخر 00 وفي منقدي جمر ودلال
امسي على راس الجبل 00 وغيري يمسي باسفله=حنا مروايس العرب 00 من عهد جدان وخوال
شفت القوافي معسفه 00 وبعض البيوت مقوله=والديم لاغنت قصيد 00 عشق (ن) تلوابه جمال
اركض وراء قافي واهيم 00 والى قصر ما اكمله=احساس شاعر لابغى 00 جاب الحقيقه من الخيال
الهم رافق ظلمتي 00 والبعد كيف اتحمله=الله واكبر يالنصيب 00 انا بيمين وهو شمال
جمال في ديرة بدو 00 بين الشعايب منزله=اكثر حلالي من الغنم 00 واهيم لامرت غزال
ريم الفلا عندي انا 00 وانا الخبير بمقتله=لكن كيف ارمي عليه 00 وفي يدي اليمنى عقال
الفجر عيا لايجي 00 وغنيت ليلي مطوله=ياديم ياديم السحاب 00 البرق نوه في الشمال
وشلون تحيا ديرتي 00 وانا سحابي محمله=لكن لاهل المطر 00 لااروى غنم ولا اسقى جمال
اقف على شاطي البحر 00 ولاثار موج اتخيله=كل البحور المالحه 00 في يم محبوبي زلآل
العود مرويه الغرام 00 والخال والله جمله=والسهم من عينه نفذ 00 كنه يناديني تعال
نسيت جرح (ن) من الهوى عيا يشاوي 00 مهمله=قالوا الاطباء انتشر 00 وماعالجه غير الوصال
قلت الوصل والله محال 00 وانا رجولي معقله=يالله في حسن الختام 00 والا يجي حظ (ن) وفال
الشيب غطى شاربي 00 والحب ماهو هجوله=اميل لآهب النسيم 00 وارسي مثل صم الجبال