أنا ماني مـثل غــيري..!!

نطقـت اسمـك وذوّبنـي .. وحبّيتـك أنـا بسـكـات=أحسّ اسمـك ينادينـي .. وقلبـك فاتـحٍ بابـه
أحـسّ انّـا تلاقينـا .. عقـب مـا طـالـت الغيـبـات=أحسّ انّي معك دلّيـت دربٍ ضعـت بترابـه
يميـن الله إذا شفتـك .. أفـارق مـاضـي الآهــات=أعانق حاضـرٍ ساحـر .. قريـت السحـر بكتابـه
أنا أدري فيك جذابة.. ويذبحني صـدى الضحكـات=وأنا ادري فيك ما تدرين انّك حيـل جذّابـه
أنا أدري فيـك دلّوعـة .. تـذوب بشفّتـك كلمـات=دلع مخلوق لك انتي .. وبنات النـاس تتشابـه
أنا أدري فيك حسّاسة .. تحـرق خـدّك النسمـات=ولو يجرح يديك الورد أنا أشهد ما أنتـي كذّابـة
قمرنا ما وصل زينك .. ولو حـاول تـرى هيهـات=ولو جرّب يجي جنبك تقول الناس : وش جابه
ألا يا مالـكٍ روحـي .. وساكـن بالحشـا والـذات=تدلل .. لو تبي روحي تجيك ان كنت طلاّبـه
تراني فدوة عيونـك .. وحلمـي أمنـع الدمعـات=أجـل وش فايـدة حبّـي اذا الدمـعـات صبّـابـة
أنا ماني مثل غيري مـع اللـي تحبّنـي .. بالـذات=أصير أقـرب لهـا منهـا .. وأردّ الدّيـن لأصحابـه
أدلّلـهـا وأدلّعـهـا .. وأعلّيـهـا عـلـى النـجـمـات=وأخلّي القلب لـو أخطـت يبـوح بقاسـي عتابـه
أنا مانـي مثـل غيـري .. وغيـري يعشـق العثـرات=منى روحه وكـل همّـه .. يناظـر غلطـة أحبابـه
أنا ماني مثل غيـري .. وغيـري يكثّـر الخطـوات=وكــل بـنـت ٍ تهيّـا لـه بــلا تفكـيـر .. حيّـابـه
أنا مانـي مثـل غيـري .. وغيـري وافـر الكذبـات=وبنت الناس مسكينـة .. تقـول : النـاس كذابـه
أنـا مانـي مثـل غيـري .. وغيـري مسـألـة أوقــات=يـاخـذ مايـبـي ثــمٍّ يـقـول : اش فـيـك نصّـابـه
أنا ماني مثـل غيـري .. وغيـري بالهـوى مـا مـات=يشوف انّ الهـوى لعبـة .ويمكن أحسـن ألعابـه
أنا ماني مثل غيري هويتـك يالغـلا بسـكـات=ومحـدٍ يـدري بحبـي .. ومحـدٍ يعـرف أسبـابـه
أنا عـارف طمـوح البنـت تبـي منهـو يلـمّ شتـات=تبـي منـهـو يخلّيـهـا .. تـكـون لعيـنـه أهـدابـه
وأنتي لو دريتـي بـي فهمتـي صـادق الكلمـات=يمـيـن الله تحبّيـنـي .. وأنـتـي مانـتـي مرتـابـه