خطااابة حارتنا .. الدروس المستفادة

#1 بالأمس, 11:14 PM
algameh_8
مستجد تاريخ التّسجيل: Feb 2005
المشاركات: 22

خطااابة حارتنا .. الدروس المستفادة

--------------------------------------------------------------------------------

الحياة مواقف .. وهذا الموقف حدث معي اليوم
دق الجوال الساعة الرابعة عصرا ..قلت هلا قال انا فلان صديقك معي موعد مع الخطابة الي في حارتكم .. قلت وما شأني أنا ..قال تجي معي قلت لو كنت فاضي ..نصف ساعة ودق الباب قلت تفضل القهوه جاهزة ..قال لا نشربها عند الخطابة..ذهبنا الى منزلها وفتحت لنا الشغاله وقالت تفضلو ماما يجي الحين ..دخلنا غرفه مؤسسة كمكتب فيها ديكور محترم ..
كمبيوتر ..رفوف ..شغل مرتب ولا مكتب وزير .. وأنا أتأمل المكان هلت رائحة فظيعة..قلت لصديقي وش هالريحه قال رائحة طيب ..قلت أشم رائحة ثوم .
ضحك وقال الله يرجك لا تفضحنا .. دخلت أختنا في الله عجوز في ال 50 متصابيه تهتم بمظهرها جيدا ..اعطاها صديقي مبلغ من المال اخذته وقالت سلم على امك ..سألتها بفضول ما اخبار الزواج عندك ؟ قالت عندي بنات اعمارهن مختلفه وعندي ايضا مطلقات وعندي زواج مسيار
تتكلم وكأنها تبيع سلعه وبثقة كبار التجار (لو دخل المال في شئ تخرج من هذا الشئ النواحي الانسانية) .. قلت وكم سعيك؟ قالت السعي
حسب نوع الزواج ..قلت تكسبين زين أمي؟ قالت لا تقول أمي كدت امووووت من الضحك ..قالت بعد وفاة زوجي اشتغلت هذه المهنةوالحين
عندي مايكفيني وزيادة ..قلت تتزوجيني ضحك صديقي وكادت ان تطيح
القهوة من يده ..قالت وبكل تحدي اتزوجك بس مسيار .. قلت ليه مسيار
قالت تبي تاخذ فلوسي ..قلت في نفسي لو تموتين ما اتزوجك انت وطيبك الي يكسر الراس ..قلت مرتاحه في عملك هذا ؟قالت حنا الخطابات نحل مشاكل العنوسة في الديرة ومشكلة المطلقات ..قلت في نفسي أحلى ياحلالة مشاكل الناس المستعصية ..وأثناء الحديث دخل شاب مشالله 185 طوله وبعرض الباب أما شنبه فشيء لايوصف
(شنب يغذي عنز )الصراحه خفت .. قالت ولدي قلت مو مشكلة وبلا شعور قمت من مكاني ..قالت بدري قلت من عمرك ..قالت حنا في الخدمه لو بغيت عروس قلت انشالله ..خرجت انا وصديقي وناظرنا لبعض وموتنا من الضحك .. قلت لصديقي نسيت شيء.. قال نسيت جوالك ؟
قلت لا نسيت أسألها وش اسم الطيب حقها ..



سبحانك اللهم وبحمدك اشهد ان لا اله ال انت استغفرك واتوب اليك


اخوكم الجااامح
__________________