المعذره صبري وصل حده

بسم الله أبدأ به المعنى ولا بـــــــــده = يبدأ به الشاعر العاقل بقيفـــــــــــانه
من بعدها مني التسليم وأمــــــــــــده = حتى يصل كل رجالٍ بعنـــــــــــوانه
من شاعرٍ ينعرف نسله على جـــــده = ومعرب الجد وأخواله وعمـــــــــانه
ويرفع لسانه عن الزلات ويـــــــرده = لا يجرح الخصم مهما طالت لســـانه
والمعذره صبري الليله بلغ حـــــــده = حاولت لكن قلبي هز ضلعـــــــــــانه
ادور الطيب وأهل الطيب من مــــده = لكن حظي وقع في ناس تعبــــــــــانه
وأنا ما أذم الرجال اللي لهم صـــــده = معروف وقفاتهم لا اصتك ميــــــدانه
والخير موجود وأهل الخير ممتــــده = من العصر الأول الى الحالي بتبيــانه
وإن كان راعي السوالف ما أحدٍ قده = قولوا له اليوم والله ما لهم خـــــــانه
وأنا ترى يا محمد مثلك أعـــــــــــده = واحد من أخواني اللي شانهم شــــانه
ومحبتك وإحترامك ما أحد يهـــــــده = مهما حصل يرتفع ساسه وبنيـــــــانه
والشاعر اللي بعذره بيحوا ســـــــده = لزوم للشر يقفل كل بيبـــــــــــــــــانه
والختم صلوا عدد ما في بحر جـــده = على رسولٍ بعثه الله سبحـــــــــــــانه