حتى بعيال الديره .. مافيك ياعالمي حيله ..

دقايق .. لو سمحتوا من وقتكم بس دقايق
ياعالمي مشتاقلك بالحيل وفـ غيبتك ضايق
وحشني طلتك .. حضورك .. ودقك للخشووم ..
لاتكرر غيبتك ترى مره مرة أتضايق ..
تراك في عيوني وين ما رحلت أشوفك
هم يحسبوني نسيتك وما نسيتك ..
وربي انك عالمي بكل الحقايق ..
حبك بيظل بخافقي طول عمري ..
أنا أشهد من غيرك الدوري والرياض
والعالميه ماتسوى دقايق ..

بعد نهاية صافرة الحكم الايطالي البارحه تم تفعيل خدمة (#متصدر_لاتكلمني) لكل العالميين
كان الجميع فالموعد جمهور واداره وجهاز فني ولاعبين من عيال الديره وهي حقيقه وبداية 2001 حتى ليلة البارحه ينتصر العالمي بالعنصر المحلي على شقيقه المحلي
كارينيو مدرب العالمي استحق العلامة الكامله فرض اسلوبه التكتيكي بالضغط على حامل الكره وعدم ترك المساحات لأبرز لاعبيهم .. كان هنالك تركيز حضور فني وبدني وذهني كامل الدسم ..
معلومه لا يتجاهلها الا متعصب أعمى عودة النصر واجهه جميله ومشرقه للكره السعوديه مهما حاولوا ثنيه الا أن عمر الكبير كبير ..
توقف الدوري اكثر من 20 يوم وقبل الديربي فقد النصر 8 لاعبين 6 مع المنتخب شارك لاعب واحد والحارس في غرفة العلاج والبحريني مع منتخب بلاده ففضل البقاء فالرياض ولعب وديه مع الدرعيه كسبها 3 عكس المنافس التقليدي الهلال عسكر في قطر افتقد لاعبين ولعب وديتين وحضر مدرب الهلال السابق جيرتس واخذت التعليمات بس ماتجي القمرا على هوا الساري ..
تعهد نور وعبدالغني والسهلاوي وغالب والعنزي للرئيس بحصد الثلاث نقاط بعد عصيان البرازيليين الثلاثه في ليلة الحسم وحققوا مقولة اذا كبرت هانت عندما يكسب النصر يحلو التنافس وتعود الاثاره وتزين الثمامه وينور شاطئ نصف القمر وتسهر عروس البحر الأحمر ولاباس يتأخر موعد نومة بني عمرو ساعه إنه العالمي ياناس
قالوا النصر لم يواجه فريق قوي قبل الحسم البارحه هل لازالوا عند كلامهم ؟
متى حضر العدل والانصاف وحضرت الروح والمهاره حضر العالمي صحيح أنها ثلاث نقاط لا أكثر ولكن الصعباوي سهلهم .. وعبدالغني ركدهم .. والعنزي كتم أنفاسهم .. ونور أطفأهم .. وغالب غلبهم .. وشراحيلي شرشحهم .. والراهب ارهبهم .. والجيزاوي جندلهم .. والبقيه استحقوا التفوق
تكفى ياسهلاوي كلمهم ..
معليش يامحلي هذا محلي .. الصداره للعالمي والعالمي قدها ..
شكراً لكل من عمل داخل وخارج المستطيل الأخضر وكلمة شكراً لاتكفي بحق جماهير الشمس ..
الدوري لازال طويل مشواره بس ربي يفكنا من التحكيم وأدواره .. ويسبح العالمي بمداره
مبروك لكل العالميين والعالميات هنا وخارج المنتدى

صديقكم .. غلا...ي ..