قال أيه ... قال حب

قال الحب
ضحكت وصرت أتهزى
أيت حب ..وهو في اليوم شي اسمه حب
ترى ياصاحبي والله مات الحب
ومات وياه كمان العشق
وماتت لحظة الأفراح
وصار الهم حبيبي وولد عمي
وهمك هو بعد همي
تدري بقول لك شي
وبحكيلك جروح قلبي والأعوام
بدا حبنا .. صدفه بدون أرقام
وتدري إنت قصة الأرقام
بدا .. حبنا عذري
بدا بكلمة أحبك ياولد عمي
ولهفة شوق بذيك العين
بدا حبنا أحنا بنبضة قلب
برعشة يد تقول أهلا
بشوفة عين وهي خجلا
وكبر الحب وكبرنا
ورسمنا لبكرة لوحاته
وأحلامه
تصدق عاد
من كثر هذه الأحلام
حددنا أسم الولد والبنت
وأعطيتها كل أمالي
وحبي وعشقي وغرامي
وجلست أنتظر سنوات
حتى يكتمل فرحي
وأصبر نفسي بالأحلام
وروعةاللقاء فيها
وفي يوم من الأيام
يوم كان كله شئوم
قالو
فرحها اليوم .. وأنا والله ماصدقت
ورحت أجري أبي اعرف
وتقابلنا بنفس موقع حبنا السابق
وياليت ماتقابلنا
طردتني وقالت رووووح
أنا اليوم بنت مخطوبه
وقلت حبنا يابنت
قالت لحظة طيش مكتوبه
وقلت وعدنا يابنت
قالت بكره تنسى مضمونه
وساعتها .. بس ساعتها
حسيت بلحظة الحرمان
وراحت بعد عني .. وراح الحب وياها
قوول الحين وين الحب
ترى مافي شي يسمى حب
صار أوهام ... وكلام فاضي
قلتلك
مات حبك .. ومات حبي
وضاعت مننا الأحلام
تعال ندفن حبنا ياصاح
ونعيش ذكرى ..ألم وجراح






هلوسات أبورامي ... مايجوز عن هلوساته
شكرا .. علىالمرور مقدما
أخوكم
ابورامي