قصيدة محد(ن) سمعلي

ناديت باعلى صوت ما أحدٍ سمعلي
خايف يبح الصوت وتموت شكواي.
بين الرجاء والياس ما أحد سمحلي
بنه يداوي جرح قلبي ودنياي
قمت أشتكي همي وحزني لظلي
وأقوله تكفى وش الحل والرأي
لكن كل الغبن لا غاب من لي
بين القمر ونجوم ليلي ودنياي
وناديت للخلان يامن يهلي
ولا جبرني كود دمعي وفرقاي
قمت وذكرت إن العواذل وخلي
يومٍ ذا يشمت على ذا بذكراي
وقفت بين أحلام وهم بَمحلي
إلين كل الخلق هي تسبق خطاي
بكيت يومٍ الزمن ما ابتسم لي
وأرد للخالق همومي وشكواي
ياعين دام الدمع بالعين هلي
خل الجبال الشم تبكي من بكاي



انتهيت للتو من تسجيلها في اثير اذاعة راديو جده وسينقل اللقاء يوم الاثنين
في برنامج سحر القوافي السابعه مساء اتمنى متابعتكم