قصائد جميلة لمنصور القرني

بسم الله الرحمن الرحيم
السلام عليكم ورحمة الله وبركاته

إليكم أحبتي الكرام بعض القصائد من البوم نسيم الجنوب التي تعالج بعض القضايا الإجتماعية للشاعر منصور القرني

نأمل أن تحوز على إستحسانكم

موضوع القصيدة التالية / الموضة

يا حليل الذي سيارته من قديم الواردات
ويا حليل الذي باقي زمانه قديم(ن) ماتجود
ما يواكب عصور أهل الحضارات وأمديلاتها
كل ماجاك جيل(ن) تختلف شبته عن ما تقدم
زل عصر الفروسيه وعصر النوافع والقنا
ينقدون الشباب اللي تكلم عن الماضي وذكر
ما يحبون يطرونه ولوفي سجل الذكريات
والفتى يوم ينشأ يفتخر يوم له موضه وقصه
يفتخر في شراب التتن ويحب روس الباعشن
ويفتخر يوم يتمايل يمين وشمال وجر ثوبه
والسياره تراها تسعة أمتار والزايد يزيد
والديون احتملها للشياكه ولا في الجيب درهم
أفترح يالجميح وزود القصد له يا با لبيد
والذي مالقي له من يقصد عليه وينهش أيده
قال باروح وأستاجر من الفال والا أبو ذياب
راح يستاجر المسكين ويحسب أن هذي رجوله
وحط في جيبه اللي فوق نظارة(ن) سوداء وكنت
وركب الهاتف الجوال في الجيب الأيمن وأفتخر به
وحط في الجيب الأيسر بيجر وفوق راسه قبعه
وأثر ذا الأجهزه متعطله كلها والغمر عاطل
سار ما يشتغل فيها يكون السيجاره والجليت
وأزعج الناس بالتفحيط في كل حي وكل شارع
ما تعدد ضحاياهم والأرواح قد فادوا بها
والخفايا علمها عالم الخافيات وعالم السر
يالله يارب أن تلطف بنا وأكفنا في كل شر

موضوع القصيدة التالية/ القروض - والكفاله والدين والسلف

في زمان أهل التطور والعجايب وصيحات البنوك
والرياء والتحايل والتنافس ولوعات التحدي
أكثر الناس ما حسب حساب الديون المهلكات
من يشوف البشر عند المحاكم وبيبان الحقوق
يندهش من شكاويهم ومن ما يشوف من القضايا
أثقل الدين معضم كاهل الناس وأتبهذل منه
يسهل الدين في وقت الطلب والخواطر مقبله
لو يحصل له المحتاج فوق الملايين أحتملها
مادرأ أنه عذاب(ن) طول ليله وذل(ن) بالنهار
الله كم واحد(ن) سوى قصور(ن) وزين عمرها
وأشترى من فخامات المراكب ولا دقق حسابه
والفواتير من كل الدواير وحان أحسابها
وراعي الفاكهه له دين وأهل الغنم وأهل البقاله
حل وقت السداد ولا بقي ما يقضيها منه
ما يصلي في المسجد مع الناس من همه وخوفه
والتلفون إذا كلم يقل يا عيالي صرفوه
انتهى الرد من أهل الدين لابد من يوم(ن) يجيبه
وأن حضر بينهم كل(ن) يقل هات مالي يا ضعيف
صابه الرعب ويهوجس مع أهله ولا يرتاح باله
كل ما دق بابه قال قولوا مسافر من زمان
والذي عمر الفله ودينه من البنك العقاري
كيف ما سدد الدوله وينكر تعاملها معه
وأكثر الناس متورط مع ذا البنوك الربويه
مطعمه من حرام ومسكنه والملابس من حرام
وكم كفيل(ن) دخل للسجن من شان بصمة كمبياله
ضاع مستقبل المكفول وأصبح يسدد كافله
والذي جاء وقال أبغي سلف يا سمي من حر مالك
وأعطني مهلة(ن) شهرين وأبشر بها في حينها
آخذ المال من راعيه ويقول فدنا الفيد كله
وراح عشرين عام ولا أنقضى دينه إلا بالحقوق
صاحب المال قال أبغى أتجمل وأسر الطيبينا
لكن آخاف ما ترجع لي أحقوقي إلا بالنكد
آتجمل ولكن بعض الأصحاب ما فيهم جميله
ينكرون الجميل ويخلفون الوعود الظالمه
ياعباد الله الدنيا لها وردة(ن) ولها صدور
أحذروا من حقوق الناس فالموت بغته والمنايا
ما حدن يضمن الدنيا ولا يآمن أتقلابها

نتابعv