الوعد بــ أرض الجنوب ..!

السلام عليكم ورحمة الله وبركاته

صبّحكم الله بالخير جميعا ..
هذه قصيدة كتبتها وانا جآي بالطريق من الشرقية الى الجنوب ..!

وين انت انا ازريت وأشعاري ينادونك
أبطيت وابطى الخبر منك ولاجاني

لو شفتني يوم انا سهران لعيونك
تقول كن القمر ساهر على شآني

كل العواذل تراهم مايفيدونك
يبغوني اكون وحدي وانت وحداني

ارجوك وان حاولوا لا لا يهمونك
تراك في القلب اول شخص والثاني

اقبل وخل الهجر والصد ينسونك
واشبع هوانا وصل ولا تناساني

ابيك انا لو جميع الناس يبغونك
ما ابغى الخلايق لو ان الخلق تبغاني

ياجعلهم كلهم يالحب يفدونك
وفدوتك كل العواذل قبل تفداني

اموت احبك واموت احياك وبدونك
ماللحياة اي لون بنظرة اعياني

انا اسيرك وهايم بك ومجنونك
وان زدت في غيبتك بتزود جناني

الله يجيبك يا مظنوني لمظنونك
والله يحييك في دمي وشرياني

ابتصل وانت جاوب من تلافونك
والوعد بـ أرض الجنوب ان الله احياني