مشـــــــاعر مبعثرررررره

بسم الله الرحمن الرحيــــــــــــم

مشاعر مبعثره اجمعها هنا بعد الغياب ربما لاترتقي لذائقه
الجميع لكنها تبقى مشاعر مبعثره ومحاكاه النفس خيالات فقط

اميرتي وش غيراليوم عن امس
ياسيده عمري ترى ماهنا فرق

الأمس حزن ويومنا يحكي بهمس
يغرق بقايايومنا بالدمع غرق

يابسمه ايامي ويامطلع الشمس
انشهدن نورك حرق مهجتي حرق

تحمس بقايا بسمتي بالجفاحمس
لامن قريت اسمك ضرب خافقي برق

ممنوع قرب ومانع الشوف واللمس
واحاول اسرق شوفتك بالخفاسرق

اميرتي هدي ترى اليوم هو امـــس
ايام عمري ماشيه مابها فــــرق

يوم الأسى ,,ساعه الم,,لحظه جـــروح
دنيا العنا,,وقت الفنا,,همن دفـيــن

وقت الشقا’’جرحي رقا,,بـ احزان روح
دمعن ذرف,,كلن عرف,,مغرم حزين

غدرالوفا,,نورانطفا,,روحن تنوح
عزف الوتر,,لحنه ظهر,,يالغايبين

يالغايبين

هـــذي الجبـــــال الشامخه ويا البــــحور
بركـــــان خـــامد لاسمـــــع صوتي ولــع

حبـــه نحـــت حـــرفه ويكتب له شعــور
يانـــور حبل الوصــل بيديه انقطــــــع

وينك

وينك حـــرام الشـــــــــــوق في خافقي ذاب
وينك تعبت اكتب حكــــــــــــايات وينك

وينـــــــــك حرام الفـرح من عقبكم غــــاب
اسأل فؤادك واســـال دمــــــــوع عينـــك

وينك كــــرهت الحــــب واشعـــــــار الاحباب
اسألــــــــك يالغالي وتحكــــــــــي سنينك

ردت علي الصـــــــو ت مـــن خلـــــف جلبـــاب
قالت خـــــلاص احفــــظ كــــــرامه حنينــك

قلت الهوى يذبح وللقلب غــــــــــــــــــلاب
قـــالت بنات اليـــوم مو راحميــــــــنــك

قلت ابشـــــــري بالعافيه ماهنا احباب
ضحكــــت وقــــــــالت يــاولـــد طالبينك

قلت الهوى والحب في عارضي شــــــــاب
حــلفت يــادرب الهـــوى قـــاطينـــــك

ماصابت ضنوني ولا خافقــــي صـــــــــاب
ابطلب الله يالمعـــــــنا يعيــــــنــــــك

اشتقت اضمك يااريش العين ضمه
انسى بها كل الجــــروح العطايب

شــــوق اليتيم لضـمه احضان امـــــه

قلبي بدا يذبل بفرقــــا الحبايب

انت العـــــــــلاج لخافقي وانت سمه
وانت الذي لأحـــــــزان قلبي سبايب

لكن غـــــــدرت وغدرك اكبر مطمه
واشـــــوف هـــالـــدنيا غرايب عجايب

الغـــــدر مولـــــودك وهالحين ســــمه
وراضي بحكمك كان هالحـــكم صايب

القلب تايه في غلاه وغرامــه

الحب مالين مع الوقت قاسي

ولازال ميت في مناه وهيامه
ياتعب قلبي ثم ياضيم راسي

وشلون ابوصف هالحلا والطعامه
يامزينه كل الحلي واللباسي

والوجه براقن على الخد شامه
والعودرويانن وفيه احتباسي

اسكر على الشفه وضم اللثامه
لاشفت هالعينين جاها نعاسي

ماني بناقص جاه والا وسامه
ليه الوفا منك يجيه التباسي

لكن عقب حبي عشقتي لمامه
وذوقك غريب يحب له كل خاسي

واليا وقعتي ماتفيد الندامـــه
ويشوف قلبك كل ذل ومآسي

الكره وسم في خفوقي ظـلامه
انانسيتك بس انتي تناسي

يمكن حسبتيني بحبك نعامه
اليا عرفت احط بالرمل راسي

لاوالذي عزالخفوق بكرامه
ايمن شموخه كالجبال الرواسي

ماالبس بحبك فوق راسي عمامه
اصلي ذهب ماهوب مثل النحاسي

شربت من صغري الكرم والشهامه
مااحط ثلج السكرفي جوف كاسي

ومن سبني رديت له بإبتسامه
واصبحه والقى له احلا الأماسي

حتى العدو كاسب وربي احترامه
ولاصحبت بخوتي للخســـاسي

واليوم يامن تدعين الفهـــــامه

انا نسيتك ثم للحب ناســــــــي

السموحه ترى مجرد مشاعر مبعثره

في امان الله