يا هجوسي..

ياهجوسي على ما في ضميري تغنّي وابدعي
ابدعي لي كلامٍ لايق بالمكان اللي قصدته
واسعفيني ترى قلبي من اللي سمعته منعمي
ما عاد اجمّع افكاري ولا ادري وش افتل به وش انقض
والمعاني تضيع وكلّما قلت بيتٍ ينّسي
شدّ عنّي خويّي وانتحى ديرتٍ وانا بـ ديرة
كنّها في عيوني والمطايا تشدّ رحايله
بعد مرّت ثلاث سنين ما كنّها إلا فرد ليله
اتذكّر مجالسنا وموقف صحيب لـ صاحبه
صاحبٍ لا نصيته بالمهمّات ما قام يتعذّر
اعتزي به يجاوبني وكنّي على الحيد ارتكي
لو باعدّ الفضايل كلّها ما تكفّيها قصيدة
وانت معروف بين الناس من غير عدّ ولا انشده
يا عطيّه وصل نقلك عسى بالأمر خيرٍ وخيره
والله اني على فرقاك يابو علي ماني رضي
واحسب ما غير انا واثر الرجاجيل مثلي بالغباين
كل واحد تجاوبني عيونه عن اللي داخله
الله يوجيك خير ويخلفك خير وتعيش بسعادة
والوصل بيننا موصول ما دمت انا حي وانت حي
والعذر يا زميلي كان من يمّنا صادفت زلّه
وانت مسموح في بادي علومي وخافي غيبها..