ياسارق قلبـي تركـد علـى الهـون

ياسارق قلبـي تركـد علـى الهـون
وشلون اعيش بدون قلبي ليا رحـت

خله معك وأبقى معي يمكـن تهـون
حل(ن) بسيط ان كان في وصلنا شحت

تمر لكـن غيـر عـن مـن يمـرون
لو مرني طيفك عن النـاس سرحـت

عديم مامثلـك مـع اللـي يسيـرون
على البسيطه بالحلاء ويـن مارحـت

الناس في ضلمـا الليالـي ينامـون
وانا على الجنبيـن ياليـن صبحـت

الاعـب الهوجـاس واغنـي ألحـون
واكن همي عـن عدايـه ليـا نحـت

اللي على اعراض الخلايق يعيشـون
معيشت(ن) ضنكا ومدخولهـا سحـت

تفرحهـم الفرقـى ويتعبهـم العـون
محد(ن) بعايني على الطيب لو طحـت

ياجعلهـم فـدوت عيونـك يموتـون
من شان تصبح من بلاويهم ارتحـت

دام العفـو بالمقـدره صـار مقـرون
سامح مدامني على الوصل سامحـت

حبك سكن في وسط روحي ومصيون
لـو طالـت الايـام بالسـد مابحـت

تدري وش اصعب موقف ايمـر بالكـون
لاجاء نهار(ن) فيـه بيديـك لوحـت

اوادعك لحظـه تـرى يمكـن تهـون
خله معك وابقى معـي لـو تسمحـت