بسم الله

بصراحه قبل أسابيع في المدرسة حدث عندنا ضجة كبيرة بسبب فتيات عندهم المس وبدأن الحديث والصراخ على ألسنتهم والله يا ذات الشأن استغربت من بعض المعلمات والإداريات أقفلنا على أنفسهم الباب ويوم جيت بروح للبنات المعلمات يصيحون فيني يقولون مجنونه تروحين طيب ليه هالتفكير وهالخوف ماأحنا مؤمنين بالله ونعرف أنه لو اجتمعت الأنس والجن على أن يفعلوا شيء لنا ماراح يصير إلا اللي كتبه الله فخذيها قاعده لما تكون ثقتك بالله وإيمانك بالله قوي إنهم ماراح يقدرون عليك لأنك أصلحتي مابينك وبين الله وعرفتي إنهم لا حول لهم ولاقوة

هلابك هند
انتي ذكرتي قصتهم في موضوع ثاني الله يشفيهم ويرفع عنهم مساكين
وعلى الطاري ياليت نعرف اش صار وضعك مع الاداره بعد الاشكالات اللي سببوها لك

واعتقد الحالات هذي المفروض الاداره عندهم خبر بهم حتى يتم التعامل معهم بشكل صحيح وسليم

المشكلة هي تكمن في القصص اللي أحس مالها داعي يتواردونها النساء في كلامهم وعلى الواتس قصص ماتدخل العقل ومع ذلك مصدقينها طيب وين الإيمان بالله وين الأعتصام بالله أين الأذكار إن كنا كذلك كيف تكون تربية الأبناء

صحيح واللي خلوا الجن هم الطاقه العظمى اللي مابعدها شي استغفر الله

أكون معك واقعيه أنا ممكن أخاف من ( صرصور / حيه / غنمه ) إذا مرت من عندي الصدق

غنمه ؟ والله ياهند ضحكت الين دمعت عيوني
احد يخاف من غنمه ؟ ههههههههههههههههههه الله يسعدك
بنتي الكبيره تخاف موت من البساس واذا شافت بس عند الباب تقعد في السياره الين يجي احد يطرده والصغيره تموت فيهم وملزمه نشتري لها بسه مدري اش ذا التناقض
الصرصور والوزغه والاشياء السريعه ذي صح الواحد يتقزز منها لكن ماتوصل الحمد لله للخوف منهم

لكن ما أخاف من أمور أدرك أنها بيد الله عزوجل وأنها تعتمد أيضاً بعد الله عزوجل علي من تحصين وووالخ

وكثرت الوساوس والمخاوف بهذا الزمان بسبب البعد عن الله حقيقة وخلو البيوت من ايات التحصين والقران بشكل مستمر ويومي

ماشاء الله هذا هو الصح

هل تعرفين أن الملح الخشن مع الماء ويقرأ عليه حينما يوضع في زوايا البيت ومداخلها يطرد الشياطين والجان بقدرة الله مثل هذه الطرق يفترض أن نعملها فهي لا تأخذ منا شيء كذلك سورة البقرة تقرأ بشكل يومي لو عن طريق شريط هذه من ضمن الأشياء التحصينية للإنسان

معلومه جميله وتطبيقها سهل

بالنسبة للأخت اللي خوفتكم شيء طبيعي لما الإنسان يكون خايفه يوقف شعر يديه ويحس بحراره هذا كله لأن عقلك الباطن سيطر عليه الخوف فهو مثل الإشارات يجعلك تشعرين بأشياء غريبه لأن العقل الباطن لم تقنعيه إنك بخير ومافيه شيء طبيعي سيحل الهدوء عليك وهذا لايعني أنني أنكر وجود الجان ولكني ضد أن نجعلهم يسيطر الخوف علينا لدرجة الجنون فلاحول لهم ولاقوة فالله موجدهم والله مفنيهم

شكلها كانت تستغل خوفي وتلعب علي وانا كنت خبله وصدقتها

الكلام قد يطول ولكني أكتفي بهذا القدر

نفع الله بك

وحمانا الله وإياك وجميع المسلمين من كل شر

شرفتيني بمرورك ووجودك هنا اسعدني

دمتي في خير