ابغا اجازه

نتفق جميعاً ان الاجازه مطلب لكل من يتعب طوال العام ويفرح بها الجميع
قد يخطط لها الاب من بداية السنة اين يمكن قضاؤها وكيف ومع من
ويبدأ في شد الحزام على نفسه وعلى اهل بيته حتى يوفر للاجازه مبلغ جيد يضمن لهم اجازه سعيده
احيانا لاينفع شد الحزام لانه يكون مشدود خلقه بمعنى انه لو شده زياده بينقطع وتخرب المسأله وتبدا رحلة ديون هو في غنى عنها
فيفضل ان يبقى في بيته ويترك الحزام وينسى امر الشد أو القطع هنا تبدأ مشكلة شخص من مكان بعيد شد الحزام قادم ليقضي أيام الاجازة عند قريبه أو قريباً منه على الاقل
طبعاً حالة من الصهلله بالنسبة للصغار ومقاومة للنوم وحالة من الفوضى تعم البيت
الكل سعيد جداً إلا شخصين الأم والشغالة
يومها يتلخبط جدا فالروتين الذي اعتادته طول السنه يختل بقوه ويبدأ الصداع والتهاب القولون وقرحة المعده خاصة لو الاب شارك اطفاله الاجازه
من فرحتهم بالاجازه يصحون قبل الفجر وبعد الصلاة الفطور ويقوم يصحي الصغار اللي مالهم في الاجازه ويبكي الصغير من الازعاج والام تسكت الكبير والصغير اللي غالباً يكون نحيس ومن النوع اللي اذا بكى يرجع والشغاله تنهلك وتقرر انها تهرب وهنا تكون الكارثه
الام تقرر انها تهرب كمان بس الى اين في كل بيت زحمه بسبب الاجازه
ونفس الغلبه
فيارجال ياحلوين نااااموا نااموا لاتصحون بدري وخلوا الصغار ينامون وجيبوا الاكل من برا ولاتعزمون احد
لان اللي في البيت تبغا اجازه مثل كل الناس


فضفضه حريمي قد يشاركني فيها احد وقد يعترض علي الاحد الاخر ف عاادي
ودمتم