خيالات شاعر ( ياليتكم ياهل الموتردعستوني)

بســم الله الرحمن الرحيــــــم

شاعر متيم يقف بإحدى الأماكن وتمر سياره
وبها ذات حسن وجمال ويهذي ببعض الكلمات التي
خطرت له عند مرور تلك السياره ويقول.....
ياليتكم ياهل الموتر دعستوني...استوقفني هذا البيت
فأكملت استرسال الأبيات خيالا فقط

ياليتكم ياهل الموتر دعستوني
....................واموت عن موقف الحقران وامثاله
والا انكم جوف موتركم خذيتوني
......................واشم عطر الغلا واذوب بضلاله
واشيلها شيله(ن)باللي بمكنوني
......................شيله طرب بالغلاوالطيب هماله
ولامنها جت عيون الزين بعيوني
.................شفت البحروالبشرتسرح على جاله
ولامنها لمست ايدينه على متوني
...................جتني سخونه وحاله خافقي حاله
وان هو تبسم اعض لساني بسنوني
.................وانشده وش غايته وشوعلى باله
واحلف يمين ان قلبي فيه مجنوني
.................وان الخفوق استوى وبغرته داله
واقول له هد واهدي وعلى هوني
.................واطلبه رشفه غلامن حلو فنجاله
وان هو تغلى وزودبالحشا طعوني
................انشده ليه الجفا والقلب يسعى له
وان هو رجع يلعب بموال والحوني
...............صديت عنه لو اني عاشق وصاله
ماهو تغلي ولكن خابت ضنوني
...............لوهو رفع بالهوى والحب مواله

ياليتكم ياهل الموتردعستوني
واموت عن موقف الحقران وامثاله
والاانكم جوف موتركم خذيتوني
واشم عطر الغلا واذوب بضلاله

مسكين ياشاعر(ن)بالحب مفتوني
...............وشلون تشفق على من طالت حباله


أيمن عبدالعزيز

في امان الله