برد الشتاء ..!

‏​​
برد الشتاء قاسي ولا فاد به كوت
وشلون لو صار الجفا برد ثاني ..

تِجمّعت والهم بالصدر مكبوت
والقلب لدروب التماني حداني ..

عايش انا منضام في وسط تابوت
جسمي نحل والبعد جمره كواني ..

مافاد به شربن ولافاد به قوت
ماغير ينعى صاحبه بالثواني ..

المقفِي ماردّه علّي عالي الصوت
وعييت اواسي قلبي اللي بلاني ..

لاجيت ابدمح غلطت الامس بسكوت
اليوم بسكت والغظِي هو نساني ..

ياصاحبي هجرك علي كنّه الموت
ماغير هجرك فيه محدٍ بكاني ..

ازريت وصلك حالتي حال مكفوت
لآني بطايلكم ولآني بِهاني ..

يابلسم جروحي ياعنبر يا ياقوت
ياطِبي اللي من سهامه رماني ..

دُعْج العيون السود مع مبسم التوت
جابت علومي شفني لجلك آعاني ..

تعال واقرا اللي كتبته بها النُوت
يمكن تِحِن بحالتي يالآناني ..

اغنم حياتك دامك اليوم مبخُوت
من قبل لايقفِي زمان الفهاني ..

واسمع على ماقيل لي فاتك الفُوت
ماينفعك صُوتك ولو طال آذاني ..

في وقتها برد الشتا دون هالكوت
ابرك ولا مِنّت قليل الحناني ..