بكيت من الفرقا وأنا دمع عيني حار ..

بكيتك من الفرقـا وأنـا دمـع عينـي حـار
سلامٍ على الشرهه .. والاخر علـى المنقـود
يقولون مـن طينـة محنّـه !! وقلبـك بـار
لا والله من طينة عذاب.. وجفـا .. وصـدود
يـادوب أتحمّـل جمـرةٍ مـن جحيـم النـار
تلحّـق عليّـه بأختهـا اللـي بـراس العـود
خذيت الهوى طيش .. وعبث حب .. وأستهتار
على قولة العربان ( عيب وعليه شهـود ) !!
تبريـت منّـي والوفـا فيـك طيـر وطـار
عساك آخر العنقود .. منـت أوّل العنقـود !!
مخليني أعجوبة زمـن فـي طريـق المـار
مضحك بي العاقل .. مشمـت بـي المقـرود
لاني داخـل الصـوره ولا خـارج الايطـار
عدوّك وأنا غايب .. حبيبـك وأنـا موجـود
ورغم ماتسوّي بـي مسامـح علـى ماصـار
وخيـرك كثيـر وموقفـك ماعنـه منـشـود
معك مابعـد عديـت عمـري مـن الاعمـار
مخليه ريشـه بيـن أصابـع هبـوب النـود
تذكر ولك بالذكـر ( مالـك مـن الاسفـار )
تذكـر وخـل الذاكـره بالـزمـان تـعـود
تذكر يوم أن حـدود وصلـك ثـلاث أمتـار
تخطيتهـا ماكـنّ .. ذيـك الحـدود حــدود
وصلتك وقمـت بواجبـك قبـل سابـع جـار
أخفّي عليك سدود .. وأبـدي عليـك سـدود
سدودٍ تبي تبنـا .. والاخـرى تبـي تنهـار
مـن أبّـدع تصاويـر الله الخالـق المعبـود
أحـس أنّـي أبحـر فالسفينـه مـع البحـار
وأنا أقول .. يااااااالبّا هذيك الوسـاع السـود
أغازل حورها ..وأنصـب لرمشهـا تذكـار
وأثمـن عطاياهـا وهـي ماوراهـا فــود
تذكّـر وأنـا ويّـاك فـي لـمّـة السـمـار
تقول البرا مـردود .. أقـول البـرا مـردود
تحديت فيـك الشاعـر اللّـي مـن الشعـار
بعد ماتقول أسمه تذكـر علامـة ( قـووود )
تـوارت نجومـه يـوم لـدّت لـي الانظـار
طلع في عيـون النـاس مهـوب ذاك الـزود
تذكـر يـوم أنّـك جيتنـي ياغريـب الـدار
أبشـر بشوفـك كـنّـي أبـشـر بمـولـود
فتحت الك صـدري ياحبيبـي زرار .. زرار
هذا بيتك .. وبيت أمّك .. وبيت أبوك العـود
وتحتلـنـي وتحطـنـي دولــة أستعـمـار
وأنا في السعوديه تحـت رايـة ابـن سعـود