زين لوصاف

يا زين لوصاف بُعدك مشغل بالي= حطيت في قلبي الوافي مية علة تدري وش اللي حصلي يا بعد حالي= من بعد ما رحت عفت المجتمع كله والنفس عافت جميع المر والحالي= والجو عكر وصرت أعيش بالتلة حتى لذيذ الكرى ما عاد يهنالي= وأصبحت مثل الذي جالس على ملة غيرك من الناس ما ظنيت يطرالي= لجلك نظمت القصد ولجلك أشله مدري وش اللي جرا يا طيب الفالي= لغز الفرا ق الصعيب احترت في حله عطني رسالة توضح ليه يالغالي= هذا الجفا من خليل بار في خله ون قلت لي لا وراح اللود عالخالي= قلنا بعذرك وبابك يحجبه قفله خلاص واصل صدودك والله الوالي = والذل ما يقبله عقل ولا ملة خلك بحالك وأنا باروح في حالي= واللي مشى بالوفاء ما يخذله فعله